By Asbarez | Thursday, 05 May 2016
ԵՐԵՒԱՆ, <<Արմէնփրէս>>.– Հայաստանի պաշտպանութեան նախարար Սէյրան Օհանեան 4 Մայիսին ընդունած է Հայաստանի մօտ Իրանի դեսպան Սէյիտ Քազեմ Սաճատին:
Հանդիպման ընթացքին կողմերը քննարկած են երկկողմանի համագործակցութեան ու տարածաշրջանային անվտանգութեան վերաբերող հարցեր:
Նախարար Օհանեան դեսպանին տեղեկացուցած է հայ–իրանեան պաշտպանական համագործակցութեան շուրջ Մոսկուայի մէջ իր պաշտօնակիցին հետ հանդիպման ընթացքին ձեռք բերուած պայմանաւորուածութիւններուն մասին՝ համոզում յայտնելով այն մասին, որ յառաջիկային անոնք կեանքի կը կոչուին։
Դեսպանին խնդրանքով Սէյրան Օհանեան ներկայացուցած է նաեւ Լեռնային Ղարաբաղի հակամարտութեան շուրջ ստեղծուած իրավիճակը, վերջին օրերուն հակառակորդին կողմէ ձեռնարկուող յարձակումները եւ նոր ռազմական գործողութիւններ հրահրող քայլերը: Դեսպան Սաճատի իր մտահոգութիւնները յայտնած է ստեղծուած իրավիճակին վերաբերեալ եւ պատրաստակամութիւն յայտնած բոլոր ջանքերը գործադրելու՝ խաղաղութիւն ու կայունութիւն պահպանելու ուղղութեամբ: Ի շարս այլ ոլորտներու, Իրանի դեսպանը կարեւոր նկատած է նաեւ պաշտպանութեան ոլորտին մէջ երկկողմանի համագործակցութեան զարգացումը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ