By Asbarez | Thursday, 12 May 2016
ՄՈՍԿՈՒԱ, <<Ռոյթըրզ>> - ՄԱԿի մարդկային իրաւանց բարձրագոյն յանձնակատար Զէյտ Ռաատ Հիւսէյն Թուրքիոյ ազդարարութիւն ուղղեց՝ մարդկային իրաւանց հարցին գծով։
Հիւսէյն նախ պախարակեց Քիւրտիստանի բանուորական կուսակցութեան ահաբեկչական արարքները՝ ցաւ յայտնելով պատահած բազմաթիւ մահերուն համար։ Ապա ուշադրութիւն հրաւիրեց Թուրքիոյ մէջ ահաբեկչութեան դէմ պայքարի ընթացքին՝ մարդկային իրաւանց բազմաթիւ բռնաբարումներուն վրայ, եւ ըսաւ. <<Անշուշտ Թուրքիոյ պարտականութիւնն է իր ժողովուրդը բռնարարքներէ պաշտպանել։ Սակայն, երբ ապահովական մարմիններու պատասխանատուները ահաբեկչութեան դէմ գործողութիւններու կը ձեռնարկեն, ապա անոնք պէտք է յարգա՛նք ցոյց տան մարդկային իրաւունքներուն եւ յարգեն միջազգային իրաւակարգը>>։ Ան մտահոգիչ նկատեց յատկապէ՛ս Սիզրէի իրավիճակը։
Հիւսէյն յայտնեց նաեւ, որ դիմում կատարուած է Թուրքիոյ կառավարութեան, որպէսզի ՄԱԿի պատասխանատուները բախումներու շրջաններուն մէջ ականատեսի վկայութիւններ ձեռք բերեն, սակայն Թուրքիա անպատասխան թողած է այս դիմումը։ Անգարա նոյնիսկ չէ արտօնած, որ լրագրողներ մուտք գործեն այդ շրջանները։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ