By Asbarez | Wednesday, 16 November 2011
ՏԻԱՐՊԵՔԻՐ, «Արմէնփրէս».- Տիարպեքիրի քաղաքապետ Օսման Պայտեմիր յայտարարած է, որ Թուրքիան իր տարածքին մէջ ապրող քրիստոնեաներուն դէմ ցեղասպանութեան դիմած է: Ան այս յայտարարութիւնը կատարած է «Հրանդ Տինք» հիմնադրամին կողմէ կազմակերպուած «Տիարպեքիրի եւ շրջակայքի հասարակական եւ տնտեսական պատմութիւնը» նիւթով գիտաժողովին իր ունեցած ելոյթին ընթացքին:
Ըստ թրքական «Սթար» թերթին, ան աւելցուցած է. «Քրիստոնէութիւնը ոչնչացնելու քաղաքականութեան մէջ ամենամեծ ցաւը կրած հայերուն կողքին, կորուստներ ունեցած են նաեւ ասորիները, քլտանները, հրեաներն ու Պոնտոս յոյները: Բացայայտ է, որ պաշտօնապէս՝ «գաղ»չ, «արտագաղ»չ, «կոտորած» ճանչցուած այդ իրադարձութիւններուն արդիւնքը ցեղասպանութիւն է: Մենք պէտք է ընդունինք այդ ճշմարտութիւնը: Մեզմէ իւրաքանչիւրս կը ցանկանայ հպարտանալ սեփական ընտանիքով, ընտանիքի անցեալով, մշակոյթով, ժողովուրդով եւ անոր պատմութեամբ: Սակայն, եթէ նոյնիսկ մեր ժողովուրդի պատմութեան մէջ սեւ, զզուելի եւ ստորացուցիչ էջեր կան, ապա անոնք չմերժելը, այդ յանցանքին մեղսակից չըլլալը մեր բարոյական եւ քաղաքական պարտքն է»:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ