By Asbarez | Tuesday, 21 June 2016
ՄՈՍԿՈՒԱ - <<Թասս>> լրատու գործակալութիւնը կը հաղորդէ, որ ՆԱԹՕի ընդհանուր քարտուղար Ենս Սթոլթենպերկ գերմանական <<Պիլտ>> թերթին մէջ հրապարակուած հարցազրոյցով մը պնդած է, որ Ռուսիա իր ռազմական ներուժը կ՛ուրճացնէ, որպէսզի իր ազդեցութեան գօտին հաստատէ։
Ան կը շեշտէ, որ ՆԱԹՕ կը նախընտրէ Ռուսիոյ հետ երկխօսութեան ճամբով տարակարծութիւնները լուծել։ <<Յստակ է, որ մենք առճակատում եւ նոր Պաղ պատերազմ չենք ուզեր Ռուսիոյ հետ>>, կ՛ըսէ ան:
Միաժամանակ, Սթոլթենպերկ կը քննադատէ Ուքրանիոյ տագնապին նկատմամբ Ռուսիոյ կեցուածքն ու արեւելեան Ուքրանիոյ զինեալներուն ցուցաբերած զինուորական օժանդակութիւնը: <<Երկրին արեւելքը գտնուող անջատողականներուն նկատմամբ Ռուսիոյ աջակցութիւնը վերջին ամիսներուն զգալիօրէն աւելցած է>>, կ՛ըսէ Սթոլթենպերկ:
Նշենք, որ անցեալ շաբաթ ՆԱԹՕի հրամանատարութիւնը հաղորդեց, թէ յաւելեալ ուժեր պիտի տեղակայուին Էսթոնիոյ, Լաթվիոյ, Լիթուանիոյ եւ Լեհաստանի մէջ, ինչին հակադարձելով՝ Ռուսիոյ արտաքին գործոց նախարարութեան եւրոպական համագործակցութեան բաժանմունքի տնօրէն Անտրէյ Քելին յայտարարեց, որ ռուսական կողմը ստիպուած պիտի ըլլայ պատասխան քայլերու ձեռնարկելու, որովհետեւ ՆԱԹՕի յաւելեալ ուժերու տեղակայումը <<պիտի ըլլայ ուժերու վտանգաւոր աճ՝ մեր սահմաններուն բաւական մօտ տարածքի մը մէջ>>:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ