By Asbarez | Tuesday, 12 July 2016
ՀՌՈՄ - Վատիկան Երկուշաբթի 11 Յուլիսին հրապարակած է Սեպտեմբեր 30էն Հոկտեմբերի 2 տեղի ունենալիք Ֆրանսիս պապի Վրաստան եւ Ատրպէյճան այցելութեան ծրագիրը:
Երկօրեայ այցին ընթացքին Թիֆիլիսի մէջ Հռոմի պապը հանդիպումներ պիտի ունենայ Վրաստանի նախագահ Գէորգի Մարգվելաշվիլիի, Վրաստանի պատրիարք Իլիա Բ.ի, Վրաստանի ասորա-քաղդէական եւ կաթոլիկ համայնքներու ներկայացուցիչներու, ինչպէս նաեւ կաթոլիկ բարեգործական կազմակերպութիւններու աշխատակիցներու հետ:
Շաբաթ օրը՝ Հոկտեմբեր 1ին, Կաթոլիկ եկեղեցւոյ առաջնորդը պատարագ պիտի մատուցէ Միխէիլ Մեսխիի անուան մայրաքաղաքի մարզադաշտին վրայ, իսկ աւելի ուշ պիտի այցելէ Վրաստանի գլխաւոր հոգեւոր կեդրոններէն մէկը՝ Մցխեթի Սվետիցխովելի տաճարը:
Կիրակի օր՝ Հոկտեմբեր 2ին, Ֆրանսիս պապ պիտի մեկնի Պաքու, ուր առաջին հերթին տեղւոյն տաճարին մէջ պատարագ պիտի մատուցէ: Այնուհետեւ նախատեսուած են հանդիպումներ Ատրպէյճանի նախագահ Իլհամ Ալիեւի, Կովկասի մահմետականներու վարչութեան ղեկավարութեան, Ռուս ուղղափառ եկեղեցւոյ եւ հրէական համայնքի ներկայացուցիչներուն հետ: Այդ օրը երեկոյեան Ֆրանսիս պապ պիտի վերադառնայ Վատիկան:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ