By Asbarez | Tuesday, 19 July 2016
ՍՏԵՓԱՆԱԿԵՐՏ, <<Արմէնփրէս>>.– Արցախի զինուած ուժերը 18 Յուլիսին սկսած են բազմաստիճան ղեկավարման մարմիններու զօրավարժութիւններուն, որոնց կը մասնակցին պաշտպանութեան բանակի վարչութիւնը, միաւորումներու, զօրամասերու եւ գումարտակներու հրամանատարական կազմը, ղեկավարման եւ ապահովական մարմինները:
Լեռնային Ղարաբաղի պաշտպանութեան նախարարութեան մամլոյ ծառայութենէն յայտնած են, որ զօրավարժութեան նպատակն է կատարելագործել զինուած ուժերու ղեկավարման համակարգը, հրամանատարներու ու պետերու գործնական ունակութիւնները, անոնց պատրաստութեան եւ փոխգործակցութեան մակարդակը, ինչպէս նաեւ բարձրացնել բոլոր օղակի ղեկավարման մարմիններու մարտավարամասնագիտական կարողութիւններն ու բարոյահոգեբանական յատկանիշները, ներգրաւուած սպայակազմի՝ իրադրութեան գնահատման եւ որոշումներ տալու ունակութիւնները, դաշտային վարժուածութեան մակարդակը:
Զօրախաղերու ծիրին մէջ կը կատարուի մասնակից զօրամասերուն կից սպայակազմի մասնակի համալրում, կայացած են մարզումներ, ստուգուած են մարտական դրութեամբ աշխատելու ունակութիւնները:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ