By Asbarez | Friday, 22 July 2016
ԵՐԵՒԱՆ, <<Արմէնփրէս>> - Հայաստանի արտաքին գործոց նախարար Էդուարդ Նալբանդեան 21 Յուլիսին ընդունած է պաշտօնական այցելութեամբ Հայաստան գտնուող քոնկրեսական Ճիմ Քոսթան:
Հանդիպումին ընթացքին քննարկուած են հայ-ամերիկեան փոխգործակցութեան ընդլայնման առնչուող հարցեր։
Նախարար Նալբանդեան բարձր գնահատած է հայ–ամերիկեան բարեկամական գործընկերութիւնը, զայն զարգացնելու ուղղութեամբ ձեռնարկուող միացեալ ջանքերը: Այդ առումով ան կարեւոր նկատած է երկու երկիրներու օրէնսդիր մարմիններուն միջեւ հաստատուած աշխոյժ համագործակցութիւնը:
Էդուարդ Նալբանդեան երախտագիտութիւն յայտնած է Ճիմ Քոսթային՝ Հայոց Ցեղասպանութեան ճանաչման ուղղութեամբ ի գործ դրած ջանքերուն համար:
Քոնկրեսականը իր կարգին նշած է, որ տարիներէ ի վեր ամերիկեան քոնկրեսին մէջ հետապնդելով Հայաստանի եւ հայ ժողովուրդին համար կարեւորութիւն ունեցող հարցերը, ուրախ է Հայաստան այցելելուն եւ առաջին աղբիւրէն տեղեկատուութիւն ստանալուն եւ տարածաշրջանային խնդիրներուն ու անոնց լուծման ուղիներուն առնչութեամբ միտքերու փոխանակման կարելիութեան համար:
Նախարար Նալբանդեան եւ քոնկրեսական Քոսթա միտքեր փոխանակած են նաեւ տարածաշրջանային խնդիրներուն շուրջ: Էդուարդ Նալբանդեան Ճիմ Քոսթային ներկայացուցած է ղարաբաղեան տագնապի լուծման, Ապրիլին Արցախի դէմ Ատրպէյճանի սանձազերծած լայնածաւալ ռազմական գործողութիւններուն հետեւանքներու յաղթահարման ուղղութեամբ գործադրուող ջանքերը:
Քոնկրեսականը նշած է, թէ Միացեալ Նահանգներ՝ որպէս ԵԱՀԿ Մինսկի խումբի համանախագահող երկիր, պիտի շարունակէ ջանքերը՝ հիմնահարցի բացառապէս բանակցային ուղիով լուծման վերաբերեալ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ