By Asbarez | Thursday, 04 August 2016
ԵՐԵՒԱՆ, <<Էրմենիհապեր>> - Թուրքիոյ տնտեսութիւնը, պետական յեղաշրջման փորձին պատճառով, կորսնցուցած է նուազագոյնը 300 միլիառ թրքական լիրա (մօտաւորապէս 100 միլիառ տոլար). այս մասին յայտարարած է Թուր-քիոյ առեւտուրի նախարար Պիւլենտ Թիւֆենքճի:
<<Եթէ մենք գնահատենք այն բոլոր օդանաւերը, ուղղաթիռները, ռումբերը եւ քանդուած կառոյցները, ապա անոնց արժէքը առնուազն 300 միլիառ լիրայի կը հասնի՝ ըստ նախնական տուեալներու: Սակայն այդ թիւը կրնայ աւելնալ, երբ կատարուին մանրամասն ուսումնասիրութիւններ: Օրինակ, բազմաթիւ օտար քաղաքացիներ, յեղաշրջման փորձին պատճառով ջնջած են իրենց ծրագրած այցելութիւնները>>, <<Հիւրրիյէ>>չ թերթին ըսած է թուրք նախարարը:
Միաժամանակ ան պնդած է, թէ երկրի առեւտրական շուկաները յաջողութեամբ անցած են այս <<դժուար քննութենէն>>:
<<Եթէ նման յեղաշրջում տեղի ունենար այլ երկիրներու մէջ, շուկաները հաւանաբար պիտի փակուէին նուազագոյնը մէկ շաբաթով: Թուրքիոյ մէջ յեղաշրջման փորձը տեղի ունեցաւ Ուրբաթ օր, իսկ Երկուշաբթի օր բոլոր դրամատուները եւ սակարանները բացուեցան արդէն: Գլխաւոր սակարանային ցուցանիշները նուազած էին սահմանափակ ծաւալով, իսկ օտարները մեծ չափերով ներդրումներ չհեռացուցին մեր շուկաներէն>>, ըսած է Թիւֆենքճի:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ