By Asbarez | Wednesday, 17 August 2016
ԵՐԵՒԱՆ, <<Երկիր>> - Երեւանի մէջ տեղի ունեցող ՀԱՊԿ անդամ պետութիւններու պաշտպանութեան նախարարներու խորհուրդի նիստի ծիրին մէջ 16 Օգոստոսին տեղի ունեցած է Հայաստանի պաշտպանութեան նախարար Սէյրան Օհանեանի եւ Ռուսիոյ պաշտպանութեան նախարար, բանակի զօրավար Սերկէյ Շոյկույի երկկողմանի հանդիպումը։
Հանդիպման ընթացքին քննարկուած են միջազգային եւ տարածաշրջանային անվտանգութեան ապահովման, ինչպէս նաեւ երկկողմանի ռազմական եւ զինուորական սարքերու վերաբերող համագործակցութեան առնչուած հարցեր: Նախարարները արձանագրած են, որ երկու պետութիւններու պաշտպանական գերատեսչութիւններուն միջեւ առկայ է փոխգործակցութեան բարձր մակարդակ եւ նախանշած են համագործակցութեան հետագայ ուղիները:
Քննարկուած են նաեւ Սուրիոյ մէջ Ռուսիոյ զինուած ուժերուն կողմէ իրականացուող լայնածաւալ մարդասիրական գործողութիւնները: Հայաստանի պաշտպանութեան նախարարը աջակցութիւն յայտնած է Ռուսիոյ կողմէ Սուրիոյ բնակչութեան նկատմամբ ցուցաբերուող մարդասիրական օգնութեան ջանքերուն:
Հանդիպման իբրեւ արդիւնք երկու պետութիւններու պաշտպանութեան նախարարները ստորագրած են <<Հայաստանի զինուած ուժերի եւ Ռուսաստանի զինուած ուժերի միացեալ զօրքերի (ուժերի) խմբաւորման շահերից բխող ռադիացիոն, քիմիական եւ կենսաբանական պաշտպանութեան ոլորտում իրավիճակի բացայայտման եւ գնահատման փոխգործակցութեան մասին>> համաձայնագիր:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ