By Aztag Daily | Monday, 22 August 2016
<<Արցախը Ազրպէյճանին մաս չի կազմեր եւ երբեք ալ մաս պիտի չըլլայ>> յայտարարած է Եւրոպական խորհրդարանի երեսփոխան Ֆրանք Էնկել <<Նիուզ>>-ին հետ հարցազրոյցի ընթացքին:
<<Եթէ դուն նախայարձակ պատերազմի կը ձեռնարկես ու կը պարտուիս, կարելի չէ վերադառնալ նախապէս տիրած կարգավիճակին, այլապէս Քալինինկրատը մինչեւ հիմա Քէօնիքսպերկ կը կոչուէր>> ընդգծած է Էնկել:
Արցախի գծով Ազրպէյճանը դատապարտող Եւրոպական խորհրդարանի կեցուածքի մը գծով հարցումին անդրադառնալով` Ֆրանք Էնկել յիշեցուցած է, թէ անցնող ապրիլին Եւրոպական խորհրդարանը բանաձեւած է յստակ կեցուածք, որուն մէջ Եւրոպական խորհրդարանի անդամ շարք մը երկիրներ առաջարկած են դատապարտել Ազրպէյճանի յաճախակի յարձակումները եւ ճանչնալ Արցախի անկախութիւնը, սակայն անդամ երկիրներու մեծ մասը տակաւին պէտք է առերեսուի փաստերուն:
Նշենք, որ անցնող 12 ապրիլին, Եւրոպական խորհրդարանը իր լիագումար նիստին քննարկած է Արցախի իրավիճակը եւ շատ մը երկիրներ, ինչպէս` Ֆրանսա, Չեխիա, Լեհաստան, Կիպրոս, ներառեալ լիւքսամպուրկցի խորհրդարանական Ֆրանկ Էնկել, առաջարկած են պատժամիջոցներ տնօրինել Ազրպէյճանի դէմ եւ ճանչնալ Արցախի Հանրապետութեան անկախութիւնը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
