By Asbarez | Friday, 26 August 2016
ԱՆԳԱՐԱ, <<Ռոյթըրզ>> - Միացեալ Նահանգներու փոխնախագահ Ճօ Պայտըն Օգոստոս 24ին Անգարայի մէջ ունեցած իր պաշտօնական հանդիպումներէն առաջ այցելեց Թուրքիոյ խորհրդարան եւ աչքէ անցուց Յուլիս 15ի զինուորական յեղաշրջման ձախող փորձին ընթացքին խորհրդարանի շէնքին հասած վնասները:
Պայտըն Թուրքիոյ վարչապետ Պինալի Եըլտըրըմի հետ հանդիպումէն ետք յայտարարեց, որ Միացեալ Նահանգներ կանխաւ տեղեակ չէր յեղաշրջման փորձէն եւ <<չաջակցեցաւ թրքական զինեալ ուժերու շարք մը անդամներուն վախկոտ արարքին>>, ապա նաեւ աւելցուց. <<Ամերիկա աշխատանք կը տանի Թուրքիոյ մէջ ժողովրդավարութեան ամրապնդման համար եւ շատ արագ յայտարարեց յեղաշրջումի փորձին իր մերժումը>>, հակադարձելով Անգարայէն կատարուած այն պնդումներուն, թէ Ուաշինկթըն աջակցած է յեղաշրջումի փորձին։
<<Թուրքիան Ամերիկայէն աւելի կարեւոր բարեկամ մը չունի, եւ մենք պէտք է յարգենք Ֆեթհուլլահ Կիւլենի արտայանձնումին մէջ օրէնսդրական մեր պայմանները>>, նշեց Պայտըն:
Պայտըն նաեւ սուրիացի քիւրտ ուժերուն կոչ ուղղեց Եփրատ գետի արեւմտեան ափէն նահանջելու դէպի արեւելեան ափ՝ ընդգծելով. <<Անոնք պիտի չստանան ամերիկեան աջակցութիւն, եթէ այդ յանձնառութիւնը չյարգեն>>:
Իր կարգին, Եըլտըրըմ յայտնեց, որ Միացեալ Նահանգներ պէտք է վերատեսութեան ենթարկէ քրտական Ժողովուրդի պաշտպանութեան ջոկատներու աջակցութիւնը՝ սպառնալիքի աճը կանխարգիլելու համար։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
