By Asbarez | Thursday, 29 September 2016
ԵՐԵՒԱՆ, <<Ազատութիւն>> - Պելճիքա կատարած աշխատանքային այցելութեան ծիրին մէջ Լեռնային Ղարաբաղի արտաքին գործոց նախարար Կարէն Միրզոյեան հանդիպում ունեցած է Եւրոպական Միութիւն-Հայաստան բարեկամութեան խումբի ղեկավար կազմին հետ՝ խումբի նախագահ Էլենի Թէոխարուսի գլխաւորութեամբ:
Հանդիպումին ընթացքին քն-նարկուած են Արցախ-Եւրոպա փոխյարաբերութիւններուն, ղարաբաղեան տագնապի լուծման եւ տարածաշրջանային գործընթացներուն վերաբերող շարք մը հարցեր:
Նոյն օրը Կարէն Միրզոյեան տեսակցած է Եւրոպական խորհրդարանին մէջ Արցախի հետ բարեկամութեան խումբի ղեկավար Ֆրանք Էնկելի եւ միւս անդամներուն հետ: Լուսարձակի տակ առնուած են բարեկամութեան խումբի գործունէութեան առնչուող հարցեր: Կողմերը կարեւոր նկատած են եւրոպական տարբեր կառոյցներու, որոնց կարգին նաեւ Եւրոպական խորհրդարանին հետ կապերու խորացումը:
Այնուհետեւ Եւրոպական խոր-հրդարանի շէնքին մէջ Կարէն Միրզոյեան, որպէս գլխաւոր բանախօս, խօսք առած է Ֆրանք Էնկելի կողմէ կազմակերպուած <<Լեռնային Ղարաբաղի Հանրապետութիւն՝ պետականաշինութեան 25 տարին անկայուն տարածաշրջանին մէջ>> խորագիրով կլոր սեղան-քննարկման ընթացքին:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ