By Asbarez | Sunday, 02 October 2016
ԿԼԵՆՏԷՅԼ.- Շաբաթ, 1 Հոկտեմբերին, իր գահակալութեան քսանամեակի առիթով Լոս Անճելոսի հայ համայնքին տուած այցելութեան ծիրէն ներս, Արամ Ա. Կաթողիկոս հանդիպեցաւ ՀՅԴ Արեւմտեան Ամերիկայի Կեդրոնական Կոմիտէի կազմին հետ:
Հանդիպման ընթացքին քննարկուեցան համայնքի կազմակերպուածութիւնը ամրապնդելու, անոր արդիւնաւէտ գործունէութեան շրջանակը ընդարձակելու, համայնքի զաւակները աւելի մեծ թիւերով ազգային կեանքին մէջ ընդգրկելու հետ կապուած խնդիրներն ու մարտահրաւէրները:
Կեդրոնական Կոմիտէն վեհափառին հաւաստիացուց, որ պիտի շարունակէ իր կարելիութիւնները ի սպաս դնել համայնքի հոգեւոր ու ազգային կեանքի առաւել աշխուժացման ու մանաւանդ յատուկ ուշադրութիւն պիտի դարձնէ վեհափառի կողմէ շեշտադրուած երիտասարդութիւնը ներգրաւելու ծրագիրներուն:
Հանդիպման ներկայ էր նաեւ ՀՅԴ Բիւրոյի անդամ դոկտ. Վիգէն Եագուպեան:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ