By Asbarez | Saturday, 22 October 2016
ԵՐԵՒԱՆ - Հայաստանի նախագահ Սերժ Սարգսեան 21 Հոկտեմբերին ընդունած է Հարաւային Կովկասի եւ Վրաստանի ճգնաժամի հարցերով Եւրոմիութեան յատուկ ներկայացուցիչ Հերպըրթ Զալպերը՝ բարձր գնահատելով Եւրոպական միութեան յանձնառութիւնը՝ Լեռնային Ղարաբաղի տագնապի խաղաղ լուծման նպատակով կողմերուն միջեւ վստահութեան մթնոլորտ ձեւաւորելու հարցին մէջ:
Նախագահ Սարգսեան եւ Հերպըրթ Զալպեր միտքեր փոխանակած են Վիեննայի եւ Ս. Փեթերսպուրկի հանդիպումներէն ետք Լեռնային Ղարաբաղի հակամարտութեան կարգաւորման բանակցային գործընթացի վերջին զարգացումներուն եւ առկայ իրավիճակին շուրջ:
Սերժ Սարգսեան ներկայացուցած է Հայաստանի կողմէ, ԵԱՀԿ Մինսկի խումբի համանախագահներուն միջնորդութեամբ, հիմնախնդիրի լուծման խաղաղ բանակցութիւններուն միջոցով հասնելու ջանքերը եւ վերահաստատած, որ հայկական կողմը պատրաստ է շարունակելու կառուցողական քայլերը՝ ի նպաստ տարածաշրջանին մէջ խաղաղութեան եւ անվտանգութեան հաստատման:
Եւրոպական Միութեան յատուկ ներկայացուցիչը նշած է, որ Հայաստան այցելութեան ծիրին մէջ հանդիպումներ պիտի ունենայ նաեւ քաղաքացիական հասարակութեան ներկայացուցիչներուն, որոնց կարգին՝ սահմանամերձ բնակավայրերու բնակիչներուն հետ:
Հանդիպումին ընթացքին զրուցակիցները միտքեր փոխանակած են նաեւ տարածաշրջանային զարգացումներուն շուրջ:
20 Հոկտեմբերին Հերպըրթ Զալպեր հանդիպումներ ունեցած էր նաեւ Հայաստանի արտաքին գործոց նախարար Էդուարդ Նալբանդեանի եւ պաշտպանութեան նախարար Վիգէն Սարգսեանի հետ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ