By Asbarez | Thursday, 27 October 2016
ՍՏԵՓԱՆԱԿԵՐՏ, <<Արմէնփրէս>> - Ղարաբաղեան-ատրպէյճանական հակամարտութեան զօրքերու շփման գիծի տարբեր հատուածներուն մէջ հակառակորդը 25 Հոկտեմբերին շարունակած է խախտել զինադադարի պահպանման դրութիւնը:
Հիւսիսարեւելեան (Թալիշ) ուղղութեամբ, բացի հրաձգային զինատեսակներէ, ատրպէյճանական զինուժը կիրառած է նաեւ հաստոցաւոր ինքնաշխատ նռնականետ (Հան–17) եւ հակահրասայլային հաստոցաւոր նռնականետ (Հհն–9):
Լեռնային Ղարաբաղի պաշտպանութեան նախարարութեան մամլոյ ծառայութենէն կը յայտնեն, որ հակառակորդին կողմէ զինադադարի խախտման իբրեւ հետեւանք, ժամը շուրջ 17:00ին պաշտպանութեան բանակի հիւսիսարեւելեան ուղղութեամբ տեղակայուած զօրամասերէն մէկուն պահպանութեան տեղամասին մէջ, մահացու հրազէնային հարուած ստացած է 1996ի ծնունդ զինուոր Գուրգէն Աւետիքի Այվազեան:
Դէպքին մանրամասնութիւնները պարզելու համար կը կատարուի քննութիւն: Լեռնային Ղարաբաղի պաշտպանութեան նախարարութիւնը յայտնած է, թէ կը կիսէ կորստեան ծանր վիշտը եւ իր զօրակցութիւնը կը յայտնէ զոհուած զինուորին ընտանիքի անդամներուն, հարազատներուն եւ ծառայակիցներուն:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ