By Asbarez | Saturday, 05 November 2016
ԱՆԹԻԼԻԱՍ - Ուրբաթ, Նոյեմբեր 4ի առաւօտուն, Արամ Ա. վեհափառ հայրապետը այցելեց Պաապտայի նախագահական ապարանքը եւ հանդիպում ունեցաւ Լիբանանի նորընտիր նախագահ զօր. Միշել Աունի հետ:
Կաթողիկոսը Մեծի Տանն Կիլիկիոյ կաթողիկոսութեան, թեմերուն, ժողովական կառոյցներուն անունով եւ անձնապէս ջերմօրէն շնորհաւորեց Աունի նախագահ ընտրութիւնը՝ մաղթելով, որ իր ընտրութեամբ՝ ներքին միասնականութեան, տնտեսական զարգացման եւ միջազգային յարաբերութեանց փայլուն նոր էջ մը բացուի Լիբանանի ժամանակակից պատմութեան մէջ:
Հանդիպման ընթացքին անդրադարձ եղաւ նաեւ Միջին Արեւելքի քրիստոնեայ համայնքներու դիմագրաւած մարտահրաւէրներուն եւ քրիստոնէական ներկայութիւնը աւելի ամրապնդելու մասին: Թէ՛ նախագահը եւ թէ վեհափառը շեշտեցին լիբանանեան Սփիւռքը վերակազմակերպելու եւ Լիբանանի զօրակցութեան նոր մղում տալու հրամայականը:
Շնորհաւորական այս այցելութեան, վեհափառին կողքին ներկայ գտնուեցան Լիբանանի Հայոց թեմի առաջնորդ Շահէ եպս. Փանոսեան եւ Մայր տաճարի լուսարարապետ Նորայր եպս. Աշըգեան:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ