By Aztag Daily | Sunday, 06 November 2016
Իրաքի ահաբեկչութեան դէմ պայքարի ուժերու հրամանատարը յայտարարեց, որ իր ուժերը մուտք գործած են Մուսուլ եւ ազատագրած շարք մը թաղամասեր:
Շիիներու Ժողովրդային զօրախումբի հրամանատար Ապու Մահտի Մուհանտես իր կարգին յայտարարեց, որ զօրախումբի ուժերը ապահոված են Պիժի-Քիարա ճամբուն անվտանգութիւնը եւ այժմ կը յառաջանան դէպի Մուսուլի արեւմուտքը գտնուող Թելաֆր` աւելցնելով, որ արեւմտեան ճակատի գործողութիւնները պիտի աւարտին երկու օրէն:
Ան ըսաւ, որ թրքական ուժերը ներկայ են Մուսուլի մէկ շրջանին մէջ եւ կը ջանան օժանդակել ՏԱՀԵՇ-ին: Մուհանտես թրքական ուժերուն կոչ ուղղեց հեռանալու Իրաքէն:
Ուաշինկթընի մէջ Միջազգային դաշինքի բանբեր Ճոն Տորիըն յայտնեց, որ ՏԱՀԵՇ-ի ղեկավար Ապու Պաքր Պաղտատի իրաքեան ուժերուն Մուսուլի դարպասները հասնելէն ետք սկսած է կորսնցնել վերահսկողութիւնը իր զինեալներուն վրայ:
Բրիտանիոյ արտաքին գործոց նախարար Պորիս Ճոնսըն իր կարգին ըսաւ, որ արեւմտեան գաղտնի սպասարկութիւններուն կարծիքով` Պաղտատի քաղաքի ազատագրման գործողութեան շղթայազերծումէն առաջ հեռացած է քաղաքէն եւ համացանցը կ՛օգտագործէ մարդոց ճակատամարտին մասնակցութեան կոչ ուղղելու համար` աւելցնելով, որ ՏԱՀԵՇ կը քայքայուի:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ