By Aztag Daily | Wednesday, 16 November 2016
<<Ակօս>> կը հաղորդէ, որ Գերմանիոյ արտաքին գործոց նախարար Ֆրանք Վալթեր Շթայնմայեր Անգարայի մէջ հանդիպում ունեցած է Թուրքիոյ արտաքին գործոց նախարար Մեւլութ Չաւուշօղլուի հետ:
Երկու նախարարները քննարկած են թուրք-գերմանական յարաբերութիւններուն եւ Թուրքիոյ` Եւրոպական Միութեան անդամակցութեան շուրջ բանակցութիւններուն առնչուող հարցերը:
Շթայնմայերի հետ հանդիպումէն ետք տրուած մամլոյ ասուլիսին ընթացքին Չաւուշօղլու յոյս յայտնած է, որ թուրք-գերմանական յարաբերութիւնները կարելի եղածին չափ շուտ վերադառնան իրենց հին կացութեան: Ան անգամ մը եւս քննադատած է Պունտըսթակին կողմէ Հայոց ցեղասպանութեան վերաբերեալ բանաձեւի որդեգրումը: <<Տէօչէ Վելլէ>> կը հաղորդէ, որ ան բանաձեւի որդեգրումը դատապարտելի նկատած է:
Ինչ կը վերաբերի Եւրոպական յանձնաժողովի` Թուրքիոյ վերաբերող տարեկան զեկուցումին մէջ գոյութիւն ունեցող քննադատութիւններուն, Չաւուշօղլու նշած է, որ անոնք տխրեցնող ու անհանգստացնող են:
<<Թերթ.ամ>> կը հաղորդէ, որ Շթայնմայեր Թուրքիոյ նախագահ Ռեճեփ Թայիփ Էրտողանի հետ ունեցած հանդիպումին ընթացքին քննարկած է Թուրքիոյ մէջ յեղաշրջումի փորձէն ետք տիրող իրավիճակը եւ մահապատիժի հաւանական վերականգնման հարցին մէջ իր անհամաձայնութիւնը:
Գերմանական դիւանագիտութեան պետը նաեւ նշած է, որ Թուրքիոյ մէջ մահապատիժի վերականգնումը <<յստակ ազդանշան պիտի ըլլայ, որ երկիրը վերջնականապէս կը հրաժարի Եւրոպական Միութեան անդամակցելու միտքէն>>:
Շթայնմայեր նաեւ նշած է, որ Գերմանիա ՏԱՀԵՇ-ի եւ ՔԱԿ-ի դէմ պայքարին մէջ կ՛աջակցի Թուրքիոյ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ