By Asbarez | Wednesday, 16 November 2016
ՊԷՅՐՈՒԹ, «Ռոյթըրզ».- Ռուսական «Ատմիրալ Քուզնեցով» օդանաւակիրին եւ այլ վայրերեու մէջ հաստատուած ռազմական օդանաւեր Նոյեմբեր 15ին սկսած են ռմբակոծելու արեւելեան Հալէպի մէջ ահաբեկիչներու դիրքերը, աւելի քան երեք շաբաթ տեւած դադարէ մը ետք։ Յատկանշական է, որ ռմբակոծումները սկսած են Միացեալ Նահանգներու նորընտիր նախագահ Տանըլտ Թրամփի եւ Ռուսիոյ նախագահ Վլատիմիր Փութինի ունեցած հեռաձայնային զրոյցէն քանի մը ժամ ետք միայն:
Ըստ Քրեմլինի՝ հեռաձայնային հաղորդակցութեան ընթացքին, Փութին Թրամփին յաջողութիւն մաղթած է ընտրական իր խոստումներու գործադրութեան մէջ: Ռուսիոյ նախագահը աւելցուցած է, որ ինք պատրաստ է ամերիկեան նոր վարչակազմին հետ «հաւասարութեան վրայ հիմնուած» երկխօսութեան:
Կողմերը նաեւ շեշտած են Սուրիոյ մէջ «միջազգային ահաբեկչութեան եւ ծայրայեղութեան» դէմ պայքարը համակարգելու կարեւորութիւնը։
Միւս կողմէ, թրքական «Հապերթիւրք» կայքը կը հաղորդէ, որ թրքական օդուժը գործողութեան սկսած է սուրիական Պապ քաղաքին մէջ, օժանդակելու համար Անգարայի դաշնակից զինեալներուն, որ ազատագրեն քաղաքը «Իսլամական պետութեան» զինեալներէն։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ