By Asbarez | Friday, 02 December 2016
ՈՒԱՇԻՆԿԹԸՆ, <<Ռոյթըրզ>> - Սպիտակ տան բանբեր Ճաշ Ըռնեսթ յայտարարեց, որ Միացեալ Նահանգներու նախագահ Պարաք Օպամա Ֆիտել Քասթրոյի յուղարկաւորութեան նախագահական պատուիրակութիւն մը պիտի չուղարկէ, սակայն վարչակազմէն երկու պատասխանատուներ՝ Ազգային ապահովութեան խորհուրդի փոխխորհրդատու Պեն Ռոտզ եւ Քուպայի մօտ ամերիկացի նախկին բարձրաստիճան դիւանագէտներէն Ճեֆրի ՏէԼաուրենթիս, ներկայ պիտի գտնուին յուղարկաւորութեան:
Նշենք, որ Ռոտզ վարած էր Քուպայի հետ դիւանագիտական յարաբերութիւնները վերահաստատելու 18ամսեայ գաղտնի բանակցութիւնները։
Մինչ այդ, Դեկտեմբեր 1ին շարունակուած է Քասթրոյի աճիւններուն տեղափոխութիւնը դէպի վերջին հանգստեան վայրը։ Ընթացքին, Նոյեմբեր 30ի գիշերը, աճիւնները <<այցելած են>> Սանթա Քլարայի գերեզմանատան մէջ հանգչող՝ Քասթրոյի յեղափոխական զինակից Էռնեսթօ Չէ Կեվարայի աճիւններուն։
Նաեւ, տեղի ունեցած է Ֆիտել Քասթրոյի յիշատակին նուիրուած ձեռնարկը, որ ուղղակիօրէն սփռուած է Քուպայի պետական պատկերասփիւռի կայանէն: Շուրջ մէկ միլիոն անձ ներկայ գտնուած է ձեռնարկին, որ կայացած է Յեղափոխութեան հրապարակին վրայ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
