By Asbarez | Tuesday, 06 December 2016
ՀԱԼԷՊ - Դեկտեմբեր 4ի երեկոյեան, <<Գանձասար>>ի գլխաւոր խմբագիր Զարմիկ Պօղիկեան տեղեկացուց, որ սուրիական բանակի գործողութիւնները շատ արագ կ՛ընթանան Հալէպի մէջ, եւ որ բանակը օրական դրութեամբ յառաջխաղացք կ՛արձանագրէ: Ներկայ դրութեամբ, բանակը իր հակակշիռին տակ առած է արեւելեան Հալէպի մօտաւորապէս 70 առ հարիւրը: Կարեւոր նշանակութիւն ունի յատկապէս քաղաքի հիւսիսարեւելեան բաժինը, որուն ազատագրումով՝ դէպի Հալէպի միջազգային օդակայանը տանող մայր ճամբան զօրքի հակակշիռին տակն է այժմ:
Նաեւ, քանի մը օրէ ի վեր, Հալէպի քաղաքապետարանի պաշտօնեաները աշխոյժ թափով կը մաքրեն ազատագրուած տարածքներու ճամբաները, կը վերցնեն անցարգելները, աշխատանքի կը լծեն պետական ենթակառոյցները, որպէսզի ըստ կարելւոյն՝ կեանքը բնականոն դառնայ այնտեղ:
Զոր օրինակ, դէպի Նոր Գիւղ տանող Սէյրաֆիի մայր ճամբան, 5 տարի փակ մնալէ ետք, այժմ բացուած է եւ ապահով յայտարարուած:
Որոշ այլ ճամբաներու մէջ երթեւեկութիւնը վերականգնած է, իսկ ջուրի ընկերութիւնը եւս պետութեան հակակշիռին տակ անցնելով՝ բանելու սկսած է, անհրաժեշտ նորոգութիւններու իրակա-նացումէն ետք:
Զինեալ խմբաւորումներ, իրենց հակակշիռին տակ եղած շրջաններէն կը շարունակեն հրթիռակոծել որոշ թաղամասեր:
Այնուամենայնիւ, քաղաքի ապահովական վիճակը զգալիօրէն բարելաւուած է:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ