By Asbarez | Thursday, 15 December 2016
ՊՈԼԻՍ, <<Մարմարա>> - Թուրքիոյ իշխանութիւնները, մասնաւորաբար նախագահ Էրտողան, վարչապետ Եըլտըրըմ եւ արտաքին գործոց նախարար Չաւուշօղլու, առիթ չեն փախցներ ծանր բառերով քննադատելու Եւրոմիութիւնն ու այն օտար երկիրները, որոնք ընդհանրապէս կը զօրակցին Թուրքիան անհանգստացնող քրտական շրջանակներուն։ Արդարեւ, Թուրքիա շարունակ կը գանգատի, որ զանազան երկիրներ իրենց հողերուն վրայ կ՛ընդունին Քիւրտիստանի բանուորական կուսակցութեան անդամներ ու <<ահաբեկչական>> այլ կազմակերպութեանց ներկայացուցիչներ, ինչպէս նաեւ համակրանքով կը մօտենան Թուրքիոյ մէջ քիւրտերուն տարած պայքարին։
Այս ծիրէն ներս, Չաւուշօղլու Դեկտեմբեր 13ին դարձեալ պախարակեց Եւրոխորհրդարանի այն երեսփոխանները, որոնք համակրանք ունին Քիւրտիստանի բանուորական կուսակցութեան նկատմամբ։ Նախարարը նման արտայայտութիւն ունեցաւ Չեխիոյ արտաքին գործոց նախարարին հետ համատեղ մամլոյ ասուլիսին ընթացքին, երբ հարց տուաւ, թէ Եւրոխորհրդարանի երեսփոխաններ ու քաղաքական խմբակներ ինչո՞ւ համակրանք կը տածեն Անգարայի կողմէ <<ահաբեկչական>> նկատուող այդ կազմակերպութեան նկատմամբ եւ անոր հետ կը բաժնեն նոյն գաղափարախօսութիւնը։
<<Եթէ ա՛յս է ձեր գաղափարախօսութիւնը, ապա գետնին տա՛կ անցնի ձեր այդ գաղափարախօսութիւնը>>, ըսաւ Չաւուշօղլու, կոչ ընելով քիւրտերու համակիրներուն, որ <<լեռ բարձրանան>>, եւ՝ <<Ի՞նչ գործ ունիս խորհրդարանին մէջ>> հարցը ուղղելով անոնց։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ