By Asbarez | Tuesday, 20 December 2016
ԵՐԵՒԱՆ - Հայաստանի արտակարգ իրավիճակներու նախարարութեան փրկարար ծառայութեան տնօրէն, գնդապետ Մուշեղ Ղազարեան եւ Ճափոնի միջազգային համագործակցութեան գործակալութեան (JICA) արդիւնաբերութեան զարգացման եւ հանրային քաղաքականութեան վարչութեան գործադիր տնօրէնի գլխաւոր խորհրդական Հիրոյուքի Հայաշի 19 Դեկտեմբերին ստորագրած են <<Հայաստանում հրշէջ-փրկարարական գոյքի բարելաւում>> ծրագիրի նախապատրաստական ուսումնասիրութեան (դաշտային երկրորդ ուսումնասիրութիւն) վերաբերեալ քննարկումներու արձանագրութիւնը:
<<Հրշէջ սարքաւորումներու բարելաւում>> դրամաշնորհային ծրագիրի հիմնական նպատակն է արդիականացնել Սիւնիքի, Լոռիի եւ Շիրակի մարզային հրշէջ-փրկարարական ստորաբաժանումներու գոյքը եւ ինքնաշարժները, ինչ որ պիտի նպաստէ նշուած մարզերուն տնտեսական եւ ընկերային զարգացման։
Դրամաշնորհային ծրագիրին համաձայն՝ Ճափոնի կառավարութիւնը կը նախատեսէ Հայաստանին տրամադրել 36 հատ հրշէջ մեքենայ, 3 միաւոր սանդուխաւոր մեքենայ, շարժական արհեստանոցներ եւ պահեստամասեր, որոնք կը համալրեն վերոնշեալ մարզերու թեքնիք շտեմարանը:
Յիշեցնենք, որ 2010ին <<Երեւան քաղաքի հրշէջ գոյքի բարելաւում>> ծրագիրի շրջանակներուն մէջ Ճափոնի միջազգային համագործակցութեան գործակալութեան կողմէ արտակարգ իրավիճակներու նախարարութեան նուիրաբերուած է 28 նոր հրշէջ-փրկարարական մեքենայ:
2010-2012ին <<Հայաստանում սէյսմիկ ռիսկի գնահատում եւ կառավարման պլանաւորում>> միացեալ ծրագիրով ճափոնական կողմը գնահատած է Երեւանի շէնքերուն վիճակը եւ պատրաստած համապատասխան կառավարման ծրագիր։
2014 թուականէն արտակարգ իրավիճակներու նախարարութիւնը եւ Ճափոնի միջազգային համագործակցութեան գործակալութիւնը կը գործադրեն <<Հայաստանում սողանքային աղէտի կառավարում>> եռամեայ ծրագիրը:
Հայ-ճափոնական փոխգործակցութեան շնորհիւ Արտակարգ իրավիճակներու նախարարութիւնը բազմաթիւ աշխատակիցներ վերապատրաստման եւ փորձի փոխանակման նպատակով գործուղուած են Ճափոն:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ