By Asbarez | Friday, 23 December 2016
ՀԱԼԷՊ, <<Գանձասար>>, <<Ռոյթըրզ>> - Հինգշաբթի, Դեկտեմբեր 22ին, հանրակառքերով ու շտապ օգնութեան մեքենաներով Հալէպի արեւելեան թաղամասերէն դուրս բերուած են հարիւրաւոր զինեալներ՝ իրենց ընտանիքներով միասին, ձիւնոտ պայմաններու տակ ամբողջացնելով Հալէպ քաղաքը ահաբեկիչներէ դատարկելու գործողութիւնը: Անոր զուգահեռ, զինեալներու հակակշիռին տակ գտնուող հիւսիսային Քաֆրիա եւ Ֆուաա աւաններուն մէջ պաշարուած բնակչութենէն նոր խումբ մը հանրակառքերով Հալէպ հասած է։
Սուրիական բանակի հրամանատարութիւնը, աւելի ուշ, Հալէպը <<ապահով եւ խաղաղ տարածք>> հռչակեց։ Հրամանատարութիւնը շեշտեց, որ Հալէպի մէջ ապահովութեան վերահաստատումը մէկ կողմէ ռազմավարական շրջադարձ եւ ահաբեկչութեան դէմ պայքարին մէջ անկիւնադարձ է, իսկ միւս կողմէ մահացու հարուած մը՝ ահաբեկչութեան ծրագիրին ու անոր աջակիցներուն։
Սակայն, Հալէպէն հեռացած զինեալները ընկերային ցանցերու միջոցաւ կը սպառնան կառավարութեան դէմ իրենց սկսած զինեալ պայքարը շարունակել այլ շրջաններու մէջ։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ