By Asbarez | Saturday, 24 December 2016
ԵՐԵՒԱՆ, <<Ազատութիւն>> - Հայաստանի արտաքին գործոց նախարար Էդուարդ Նալբանդեան 23 Դեկտեմբերին ընդունած է Ռուսիոյ Տումայի՝ ԱՊՀ երկիրներու գործերու, եւրասիական համարկման եւ հայրենակիցներու հետ կապերու կոմիտէի նախագահ Լէոնիտ Քալաշնիքովի գլխաւորած պատուիրակութիւնը:
Նալբանդեան կարեւոր նկատած է Հայաստանի եւ Ռուսիոյ միջեւ տարբեր ձեւաչափերով հաստատուած սերտ դաշնակցային գործակցութեան շարունակական ամրապնդումը եւ այս առումով արժեւորած է միջխորհրդարանական համագործակցութիւնը:
Տումայի պատգամաւորները ընդ-գծած են, որ իրենց այցելութիւնը խորհրդանշական է, քանի որ Ռուսիոյ մէջ խորհրդարանական ընտրութիւններէն ետք ասիկա յանձնաժողովի առաջին օտարերկրեայ այցելութիւնն է:
Երկուստեք շեշտուած է Հայաստանի Ազգային ժողովի եւ Ռուսիոյ Տումայի միջեւ առկայ փոխշահաւէտ համագործակցութիւնը:
Լէոնիտ Քալաշնիքով ներկայացուցած է նոր Տումայի եւ ԱՊՀ երկիրներու գործերով, եւրասիական համարկման եւ հայրենակիցներու հետ կապերու յանձնաժողովի աշխատանքները, Հայաստանի հետ յարաբերութիւններու զարգացման վերաբերող նախաձեռնութիւնները, Ազգային ժողովի արտաքին յարաբերութիւններու մնայուն յանձնաժողովին հետ Երեւանի մէջ կայացած միացեալ նիստին արդիւնքները:
Անդրադարձ կատարուած է ԱՊՀ, ԵԱՏՄ, ՀԱՊԿ ծիրին մէջ համագործակցութեան: Հայաստանի արտաքին գործոց նախարարը հիւրերուն ներկայացուցած է Ապրիլին Լեռնային Ղարաբաղի դէմ Ատրպէյճանի յարձակման հետեւանքներու յաղթահարման վերաբերող ջանքերը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ