By Asbarez | Friday, 27 January 2017
ԵՐԵՒԱՆ, <<ՓանԱրմինիըն>> - <<Եունայթըտ ուըրլտ քոլեճզ>> (Աշխարհի միացեալ քոլեճներ) ցանցի անդամ Դիլիջանի միջազգային դպրոցը, զոր հիմնած է գործարար եւ բարերար Ռուբէն Վարդանեան, յայտնուած է <<Ֆորպզ>>ի վարկանիշի լաւագոյն հնգեակին մէջ: Դպրոցը ներառուած է ռուս միլիառատէրերու մասնակցութեամբ ստեղծուած լաւագոյն դպրոցներու վարկանիշին մէջ, որուն կարելի է ծանօթանալ <<Ֆորպզ>> հրատարակութեան պաշտօնական կայքին վրայ: Ռուբէն Վարդանեանի հիմնած Դիլիջան միջազգային դպրոցը գրաւած է երկրորդ հորիզոնականը։ Այս մասին կը յայտնէ <<Sputnik Արմէնիա>>ն:
Թերթը գրած է, որ 2014ին Ռուբէն Վարդանեան կնոջ հետ հիմնած է միջազգային դպրոցը: Դիլիջանի միջազգային դպրոց կը յաճախեն տաղանդաւոր երեխաներ: Կը գտնուի Հայաստանի համանուն քաղաքին մէջ եւ մաս կը կազմէ <<Եունայթըտ ուըրլտ քոլեճզ>> միջազգային դպրոցներու ցանցին: Այդ կը նշանակէ, որ ընդունելութեան քննութիւններէն ետք, ընդունող յանձնաժողովը կրնայ աշակերտը ուղարկել այլ երկիր ուսանելու, ուր նոյնպէս կայ ցանցի դպրոց: Այսօրուան դրութեամբ դպրոցին մէջ կ՛ուսանի 198 ուսանող՝ աշխարհի 72 երկիրներէ:
Վարկանիշին մէջ ներառուած են նաեւ հարուստ բարերաներու միջոցներով ստեղծուած այլ նախագիծեր:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
