By Asbarez | Friday, 17 February 2017
ԵՐԵՒԱՆ, <<Էրմենիհապեր>> - Իրանի արտաքին գործոց նախարարութիւնը պատասխանած է Թուրքիոյ նախագահ Ռեչեփ Թայիփ Էրտողանի այն յայտարարութեան, թէ Թեհրանը մտադրութիւն ունի Իրաքն ու Սուրիան մասնատելու:
Ըստ թրքական <<Տողան>> լրատու գործակալութեան՝ Իրանի արտաքին գործոց նախարարութեան տարածած յայտարարութեան մէջ կ՛ըսուի, որ Իրաքի մէջ Իրանի ներկայութիւնը հիմնուած է այդ երկրի օրինական իշխանութեանց խնդրանքին վրայ եւ կը նպատակադրէ պայքարիլ այն ահաբեկչութեան դէմ, որուն հետեւանքները բազմիցս թափանցած են մինչեւ Թուրքիոյ սիրտը:
<<Իրանի առաջնահերթութիւնը տարածաշրջանի ապահովութեան եւ կայունութեան երաշխաւորումն է: Այս խնդիրը կարելի է լուծել՝ առանց իրարմէ զանազանելու ահաբեկիչներուն աջակցող քաոսին դերակատարներն ու իսկապէս կայունութիւն փափաքողները: Տարածաշրջանի առաջնորդներուն մէջ ամէնէն առաջ Էրտողա՛նը պէտք է գիտնայ, որ շրջանին եւ յատկապէս Իրաքի մէջ որքա՛ն կառուցողական դեր ունի Իրանը: Մտահոգիչ է տարածաշրջանի ահաբեկչական խմբաւորումներուն բացայայտ կամ գաղտնի աջակցիլն ու զանոնք օգտագործելը, դրացի երկիրներու տարածքային ամբողջականութիւնն ու ինքնիշխանութիւնը չյարգելը, որոնք կ՛ըլլան տարածաշրջանի անկայունութեան շարունակման պատճառը>>, ըսուած է իրանեան կողմի յայտարարութեան մէջ, որ յստակ քննադատութիւն մըն է Իրաքի եւ Սուրիոյ մէջ Թուրքիոյ ապակայունացնող քայլերուն:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ