By Asbarez | Thursday, 23 March 2017
ՊԵՐԼԻՆ, <<Ռոյթըրզ>> - Գերմանիա Թուրքիոյ կոչ ուղղեց իր յայտարարութիւնները մեղմացնելու եւ երկկողմանի յարաբերութիւններուն յաւելեալ վնաս պատճառելէն զգուշանալու:
Յիշեցնենք, որ Թուրքիոյ նախագահ Ռեչեփ Թայիփ Էրտողան Գերմանիոյ վարչապետ Անկելա Մերքելը ամբաստանած էր <<նացիական գործելաոճ կիրարկելու>> յանցանքով։
Մերքել, անդրադառնալով թուրք-գերմանական լարուած յարաբերութիւններուն՝ ըսաւ. <<Տակաւին ի զօրու է իմ այն յայտարարութիւնը, թէ Թուրքիոյ կողմէ հնչող՝ նացիներու հետ համեմատութիւնները պէտք է դադրին: Դժբախտաբար, այդ համեմատութիւնները չեն դադրած, եւ մենք պիտի չարտօնենք, որ <<Նպատակը կ՛արդարացնէ միջոցը>> պատրուակը շահագործուի՝ անտեսելով նացիներուն կողմէ հալածուածներուն ու սպաննուածներուն տառապանքը>>:
Իր կարգին, Գերմանիոյ խորհրդարանի Քրիստոնեայ ժողովրդավար միութեան թուրք ծագումով երեսփոխան Ճեմիլէ Եուսուֆ յայտարարեց, որ Էրտողան ներողութիւն պէտք է խնդրէ Գերմանիոյ վարչապետէն։ Եուսուֆ դիտել տուաւ, որ Էրտողանի խօսքերը անհիմն են ու դժգոհութիւն յառաջացուցած են նաեւ գերմանաբնակ թուրքերու մօտ։ <<Այդպիսի մեղադրանքներ վնաս կը պատճառեն գերմանացի թուրքերու հեղինակութեան, ինչպէս նաեւ՝ գերմանաբնակ թուրքերու եւ գերմանացիներու յարաբերութիւններուն>>, ըսաւ Եուսուֆ։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
