By Asbarez | Wednesday, 05 April 2017
ՄՈՍԿՈՒԱ - <<Սփութնիք>> լրատուամիջոցի թրքական ծառայութիւնը կը գրէ, թէ Ռուսիոյ մօտ Սուրիոյ դեսպան Ռիատ Հատատ Ապրիլ 4ին անդրադարձած է Սուրիոյ սահմաններէն ներս ռազմական նոր գործողութիւններ իրականացնելու մասին Թուրքիոյ սպառնալիքներուն՝ շեշտելով, որ նման քայլեր Սուրիոյ վրայ <<բացայայտ յարձակում>> պիտի նկատուին Դամասկոսի իշխանութեանց կողմէ։
Նշենք, որ թուրք զինուորներուն մէկ մասը կը շարունակէ Սուրիա մնալ, հակառակ այն իրողութեան, որ Թուրքիա անցեալ շաբաթ յայտարարած էր, թէ աւարտած է Սուրիոյ տարածքէն ներս իրականացուող <<Եփրատի վահան>> գործողութիւնը:
<<Մենք թուրք զինուորներուն ներկայութիւնը կը համարենք բռնագրաւում: Անիկա մեր երկրի ինքնիշխանութեան դէմ ուղղուած բացայայտ ոտնձգութիւն է>>, աւելցուցած է Հատատ:
Յայտնենք, թէ Թուրքիոյ նախագահ Էրտողան Ապրիլ 3ին յայտարարած էր, որ Թուրքիա Սուրիոյ մէջ նոր գործողութիւններ պիտի իրականացնէ՝ <<ահաբեկչական կազմակերպութիւններու յենակէտները ոչնչացնելու համար>>։Ան աւելցուցած էր, թէ <<անակնկալներ ունի>> Քիւրտիստանի բանուորական կուսակցութեան, <<Իսլամական պետութեան>> եւ Կիւլենի համայնքին համար:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ