By Aztag Daily | Thursday, 20 April 2017
Եւրոպական խորհրդարանի նախագահ Անթոնիօ Թայանի յայտնած է, որ եթէ Թուրքիան <<կ՛ուզէ մնալ Եւրոպական Միութեան անդամակցութեան թեկնածու երկիր, ապա պարտաւոր է հետեւիլ քոփենհակընեան չափանիշներուն եւ պահպանել իշխանութեան ճիւղերու զսպումի եւ հաւասարակշռութեան քաղաքականութիւնը>>:
<<Մենք պէտք է պաշտպանենք եւրոպական սկզբունքներն ու արժէքները, ինչ որ նաեւ կը պահանջենք թեկնածու երկիրներէն: Հակառակ պարագային Եւրոպական Միութեան համար ատիկա համազօր պիտի ըլլայ սեփական դարպասներուն կոլ նշանակելուն: Մենք պէտք է հաշուի առնենք նաեւ այն, որ Թուրքիոյ բնակչութեան կէսը հանրաքուէի ընթացքին չէ պաշտպանած սահմանադրական բարեփոխումները>>, ըսած է Եւրոպական խորհրդարանի նախագահը:
Ինչ կը վերաբերի մահապատիժը վերականգնելու Թուրքիոյ ծրագիրներուն, Թայանի նշած է, որ մահապատիժը Թուրքիան ետ կը տանի 2004 թուական, երբ մահապատիժը ջնջուեցաւ, եւ կարմիր գիծ պիտի ըլլար Եւրոպայի համար` միակ ցամաքամասին, ուր մահապատիժ գոյութիւն չունի>>:
<<Եթէ Թուրքիան վերականգնէ մահապատիժը, ապա վերջնականապէս կը հրաժարի Եւրոպական Միութեան կազմին մէջ ընդգրկուելու կարելիութենէն>>, շեշտած է Թայանի` աւելցնելով, որ Եւրոպական Միութեան հետ կապերու խզումը նախ եւ առաջ նպաստաւոր պիտի չըլլայ ինքնին Թուրքիոյ համար:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ