By Aztag Daily | Wednesday, 26 April 2017
Քանատայի վարչապետ Ճասթին Թրիւտօ Հայոց ցեղասպանութեան 102-րդ ամեակի առիթով հրապարակած է ուղերձ մը, որուն մէջ կը յայտնէ.
<<Այսօր հանդիսաւոր կերպով հաւաքուած ենք ոգեկոչելու հայ ժողովուրդին նկատմամբ գործուած մարդկային աղէտալի կորուստը, որ տեղի ունեցաւ աւելի քան մէկ դար առաջ:
<<2015-ին Ներկայացուցիչներու տունը միաձայնութեամբ որդեգրեց բանաձեւ մը, որով 24 ապրիլը հռչակուեցաւ Հայոց ցեղասպանութեան յիշատակման օր:
<<Այս օրը կը յարգէ յիշատակը անոնց, որոնք Ցեղասպանութեան ընթացքին անարդարօրէն կորսնցուցին իրենց կեանքը եւ տառապեցան: Յարգանքի տուրք կը մատուցենք անոնց եւ անոնց ժառանգորդներուն, որոնցմէ շատեր ներկայիս կը բնակին Քանատա:
<<Այս առիթով` քանատացիները, անկախ անոնց կրօնքէն կամ ազգային ծագումէն, միասնաբար հանդիսաւոր յիշողութեամբ եւ վերահաստատ նուիրումով կը հաստատեն, որ երբեք անտարբեր պիտի չմնան որեւէ տեսակ ատելութեան կամ բռնարարքի նկատմամբ:
<<Մինչ կը նշենք Հայոց ցեղասպանութեան օրը, խնդրեմ բաժնեկցինք այն յոյսս, որ ապագան ըլլայ խաղաղութեամբ եւ փոխադարձ յարգանքով յատկանշուող>>, կ՛եզրափակէ վարչապետ Թրիւտօ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ