By Asbarez | Wednesday, 03 May 2017
ՎԱԼԵԹԱ, Մալթա, <<Ռոյթըրզ>> - Եւրոմիութեան ընդարձակման հարցերով յանձնակատար Եոհաննէս Հան յայտարարած է, որ Եւրոմիութեան անդամակցելու Թուրքիոյ երազը կարելի է աւարտած համարել։
Թրքական <<Տիքեն>> կայքը կը գրէ, թէ Հան շեշտած է, որ երկրին մէջ ստեղծուած իրավիճակին մէջ Թուրքիա պարզապէս չի կրնար իրականացնել Եւրոմիութեան առաջադրած պայմանները: Ան նշած է, որ Թուրքիա զգալի կերպով հեռացած է եւրոպական սկզբունքներէն, իսկ ապագային, թուրք-եւրոպական յարաբերութիւններու զարգացումը կարելի պիտի ըլլայ միայն տնտեսական ոլորտի մէջ:
<<Ժողովրդավարութիւնը ամէն տեղ նոյնը պէտք է ըլլայ։ Թուրքիոյ մէջ եւս մարդիկ իրաւունք ունին ապրելու այնպիսի ժողովրդավար պայմաններու մէջ, ինչպիսին են եւրոպական երկիրներու մէջ: Այժմ բոլորին համար ակնյայտ է, որ Թուրքիա բաւական հեռացած է Եւորմիութեան անդամ դառնալու հեռանկարէն>>, ըսած է Հան:
Նշենք, որ Թուրքիոյ մէջ Ապրիլ 16ին կայացած սահմանադրական փոփոխութիւններու հանրաքուէով, մեծապէս ընդարձակուեցան երկրի նախագահ Ռեչեփ Թայիփ Էրտողանի լիազօրութիւնները՝ հարցականի տակ առնելով երկրին մէջ ժողովրդավարական կարգերը պահելու հաւանականութիւնը:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ