By Asbarez | Wednesday, 03 May 2017
ՊՈԼԻՍ, <<Մարմարա>> - Թուրքիոյ նախագահ Էրտողան Մայիս 2ին իրականացուց իր երազներէն մէկը եւս, երբ հանրաքուէի արդիւնքներուն շնորհիւ՝ կրցաւ վերամիանալ իշխող Արդարութիւն եւ բարգաւաճում կուսակցութեան շարքերուն։
Նախագահը խելայեղ ծափահարութիւններու մէջ ստորագրեց անդամակցութեան համաձայնագիրը, մինչ իր քով նստած էր վարչապետ Պինալի Եըլտըրըմ։
Էրտողան, որ այս կուսակցութեան հիմնադիրներէն մէկն էր, նախկին սահմանադրական օրէնքով անդամակցութենէն հրաժարած էր, երբ նախագահ ընտրուած էր։ Ան իր խօսքերուն կցեց նաեւ քաղաքական հարցեր եւ առիթը յարմար նկատեց, որ դարձեալ յանդիմանէ Եւրոմիութիւնը՝ պնդելով. <<Եւրոմիութիւնը պարտաւոր է բանալ բոլոր այն (անդամակցութեան) թղթածրարները, զորս մինչեւ այսօր չէ բացած։ Թուրքիան Եւրոմիութեան սպասաւորը չէ՛>>, ըսաւ Էրտողան։
Էրտողան, կուսակցութեան յաջորդ համագումարին ընթացքին, որ պիտի կայանայ Մայիս 21ին, պիտի ընտրուի նաեւ կուսակցութեան նախագահ։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ