By Asbarez | Thursday, 04 May 2017
ՍՈՉԻ, <<Ռոյթըրզ>> - Սոչիի մէջ Մայիս 3ին տեղի ունեցած Փութին-Էրտողան հանդիպումէն ետք, մամլոյ ասուլիսի մը ընթացքին, Ռուսիոյ նախագահ Վլատիմիր Փութին ըսած է, թէ Մոսկուայի եւ Անգարայի միջեւ յարաբերութիւնները վերականգնած են ճգնաժամէ մը ետք: Փութին նշած է, որ զրուցակիցները կեդրոնացած են յատկապէս տնտեսական համագործակցութեան վրայ եւ նշած է, որ համաձայնութիւն գոյացած է տնտեսական սահմանափակումները վերացնելու, ներդրումները աճեցնելու եւ առեւտուրը ազգային դրամանիշով կատարելու վերաբերեալ: Ան նաեւ յիշեցուցած է, թէ ներկայիս Թուրքիոյ բնական կազին 55 տոկոսը, ածուխին 33 տոկոսը եւ քարիւղին 18 տոկոսը կը մատակարարուին Ռուսիոյ կողմէ:
Նախագահները քննած են <<Թրքական հոսք>> կազատարի եւ Թուրքիոյ մէջ ռուսական ընկերութեանց կողմէ կառուցուող հիւլէական ելեկտրակայանի ծրագիրները:
Անդրադառնալով Սուրիոյ տագնապին՝ Փութին ըսած է. <<Սուրիոյ հակամարտութիւնը քաղաքական եւ դիւանագիտական ճանապարհներով լուծելու գծով համակարծիք ենք Էրտողանի հետ>>:
Հանդիպման ընթացքին քննարկուած է նաեւ հիւսիսային Սուրիոյ մէջ ապահովական յատուկ գօտիներ ստեղծելու հարցը՝ սուրիական բանակին եւ ընդդիմադիր զինեալ խմբաւորումներուն միջեւ բախումներու առաջքը առնելու նպատակով:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ