By Asbarez | Wednesday, 24 May 2017
ԵՐԵՒԱՆ, <<Ազատութիւն>> - <<Երկիր Ծիրանի>> կուսակցութեան առաջնորդ Զարուհի Փոստանջեան Չորեքշաբթի, 25 Մայիսին, Վարչական դատարան ներկայացուց Երեւանի աւագանիի ընտրութիւնները անվաւեր ճանչնալու դիմումը:
Հայաստանի Հանրապետութեան Կեդրոնական ընտրական յանձնաժողովը (ԿԸՅ) անցեալ Կիրակի ամփոփած էր ընտրութիւններու արդիւնքները, որոնց համաձայն՝ Փոստանջեանի կուսակցութիւնը ստացած էր քուէներուն շուրջ 7.5 տոկոսը, մրցակից ուժերը՝ իշխող Հանրապետականը եւ <<Ելք>> դաշինքը, ստացած էին համապատասխանաբար՝ քուէներու 69.5 եւ 20.4 տոկոսը: Նոյն օրը, ԿԸՅի որոշումով՝ Երեւանի աւագանիի լիազօրագիրները բաշխուած էին հետեւեալ համամասնութեամբ՝ Հայաստանի Հանրապետական կուսակցութիւն՝ 46 աթոռ, <<Ելք>> կուսակցութիւններու դաշինքը՝ 14 աթոռ, <<Երկիր Ծիրանի>> կուսակցութիւնը՝ 5 աթոռ:
Ընտրութիւններուն վերաբերեալ ԿԸՅի որոշումները բողոքարկելու մասին դիմումը Վարչական դատարան յանձնելէ ետք Զարուհի Փոստանջեան <<Ազատութեան>> աշխատակցին հետ զրուցելով՝ պնդեց, որ իշխող Հանրապետական կուսակցութիւնը յաղթած է կեղծիքներու եւ ճնշումներու միջոցով:
<<Քաղաքացիները հնարաւորութիւն չունեցան օգտուել իրենց իրաւունքից, եւ ահաբեկուած լինելով՝ նոյնիսկ չմասնակցեցին ընտրութիւնների, որովհետեւ իրենց համար պարզ էր, որ եթէ տեղի է ունենում նման ահաբեկչութիւն (ան կ՛ակնարկէ իր եւ իր դստեր դէմ կատարուած բռնութեան) քաղաքապետի թեկնածուի նկատմամբ, նրա վստահուած անձի նկատմամբ, ապա ինչպէ՞ս կարելի է մտածել, որ դրանք ընտրութիւններ են>>, պնդեց Փոստաջեան:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ