By Asbarez | Thursday, 08 June 2017
ԹԵՀՐԱՆ, <<Ռոյթըրզ>> - Թեհրանի մէջ, Յունիս 7ին տեղի ունեցած ահաբեկչական երկու յարձակումներուն իբրեւ հետեւանք, զոհերու թիւը հասաւ 12ի, մինչ ապահովական ուժերը կրցան սպաննել յարձակումը իրագործած վեց զինեալները։
Յարձակումներէն մէկուն թիրախը խորհրդարանի շէնքն էր, իսկ երկրորդը՝ այաթոլլա Խոմէյնիի դամբարանը:
Ահաբեկիչները, իբրեւ կին ծպտուած՝ կրցած են ներխուժել խորհրդարանի շէնքը։ Յարձակումէն ետք, խորհրդարանական նիստը շարունակուած է բնականոն կարգով։
<<Իսլամական պետութիւն>>ը ստանձնեց այս ահաբեկչական արարքներուն պատասխանատուութիւնը:
<<Ալիք>> օրաթերթը կապ հաստատած է Իրանի խորհրդարանի հայ պատգամաւոր Կարէն Խանլարեանի հետ, որ իր կարգին տեղեկացուցած է, թէ հարաւային իրանահայութեան պատգամաւոր Ժորժիկ Աբրահամեանը եւ միւս պատգամաւորները կը գտնուին խորհրդարանի նիստերու սրահը, եւ անոնց կեանքին որեւէ վտանգ չի սպառնար:
Նաեւ, Իրանի մէջ Հայաստանի դեսպանատունը կոչ ըրած է Իրան գտնուող Հայաստանի քաղաքացիներուն, որ հեռու մնան իրաւապահ մարմիններու գործողութիւններու տարածքներէն եւ մարդաշատ վայրերէ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ