By Asbarez | Thursday, 29 June 2017
Յունիս 28ին կայացած մամլոյ ասուլիսի մը ընթացքին Հայաստանի պաշտպանութեան նախարար Վիգէն Սարգսեան յայտարարեց, թէ վերջին տասը օրերուն Ատրպէյճանի զինուժը կորսնցուցած է 8 զինծառայող:
<<Հաստատուած տուեալներով՝ 10 օրուան ընթացքին ատրպէյճանական կողմը տուած է 8 զոհ: Չհաստատուած տուեալներով՝ զոհերուն թիւը աւելին է>>, նշեց նախարարը՝ բացատրելով, որ երկրորդ պարագային խօսքը յաջողութեամբ իրականացուած պատժիչ գործողութիւններու մասին է, սակայն ատոնց իբրեւ արդիւնք եղած զոհերուն մասին յստակ տուեալներ չկան:
Ըստ նախարարին՝ զոհուած ատրպէյճանցի զինծառայողները չեն յուղարկաւորած եւ ատրպէյճանական մամուլին մէջ անոնց մասին տուեալներ չկան:
Պատասխանելով Հայկական զինուած ուժերուն վերջերս ձեռք բերած ինքնաշարժներուն մասին հարցումին՝ պաշտպանութեան նախարար Վիգէն Սարգսեան ըսաւ. <<Այս տարի նախարարութիւնը ձեռք բերած է այնքան ինքնաշարժներ, որքան չէր յաջողած ձեռք բերել վերջին տասնամեակին ընթացքին։ Այս տարի մեծ ծրագիր իրականացուցած ենք բանակի ինքնաշարժները թարմացնելու ուղղութեամբ: Նոր ինքնաշարժներով կը գոհացնենք առաջնագիծը սպասարկող զօրամասերը>>, եզրափակած է նախարարը:
Ըստ <<Միդիամաքս>>ի՝ անդրադառնալով վերջերս արկած ունեցած Պաշտպանութեան նախարարութեան ենթակայ ինքնաշարժի վիճակին եւ ուղեւորներու թոյլատրելի քանակին մասին՝ նախարարը նկատել տուաւ, ըսելով. <<Եղած է շահագործման ժամկէտի մէջ, իսկ թոյլատրելի 20 ուղեւորի փոխարէն մեքենային մէջ եղած են 18 զինծառայողներ, որոնց վիճակը բժիշկները այժմ բաւարար կը գնահատեն>>:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ