By Asbarez | Thursday, 29 June 2017
ԵՐԵՒԱՆ, <<Էրմենիհապեր>> - Թուրքիոյ Շըրնաք նահանգի Ուլուտերէ շրջանին մէջ, Յունիս 28ին դարձեալ զինեալ ընդհարումներ տեղի ունեցած են Քիւրտիստանի բանուորական կուսակցութեան զինեալներուն եւ թուրք զինուորներու միջեւ:
Ըստ թրքական <<Տողան>> լրատու գործակալութեան՝ զինեալներու խումբը տարբեր տեսակի զէնքերով յարձակած է շրջանին մէջ գտնուող ռազմական խարիսխին վրայ, սպաննելով առնուազն երկու թուրք զինուոր եւ մէկ ենթասպայ:
Յարձակումէն անմիջապէս ետք դէպքին վայրը ուղարկուած են թուրքական զինուած ուժերու ռազմական ուղղաթիռներ, որոնք, ըստ բանակին, կը մասնակցին <<զինեալները չէզոքացնելու նպատակով շրջանին մէջ շարունակուող գործողութեանց>>:
Յայտնենք, որ վերջին քանի մը օրերուն թրքական բանակը քրտաբնակ շրջաններուն մէջ քանի մը զոհեր եւս տուած էր։
Միւս կողմէ, Թուրքիոյ օդուժը Յունիս 28ին գործողութիւններ իրականացուցած է հիւսիսային Իրաք ապաստանած Քիւրտիստանի բանուորական կուսակցութեան զինեալներու դիրքերուն դէմ։ Ըստ թրքական աղբիւրներու՝ սպաննուած են առնուազն 7 քիւրտ զինեալներ եւ ոչնչացուած շարք մը թաքստոցներ եւ զինամթերք:
Թուրքիոյ սահմաններէն ներս նոյնպէս իրականացուած է նման գործողութիւն մը, որուն ընթացքին սպաննուած են 7 այլ քիւրտ զինեալներ, իսկ Յունիս 27ին, Պիթլիսի մէջ նման յարձակում մը 11 զոհ խլած է:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ