By Asbarez | Friday, 07 July 2017
ՏՈՀԱ, ԳԱՀԻՐԷ, <<Ռոյթըրզ>> - Քաթարի հետ իրենց յարաբերութիւնները խզած արաբական չորս պետութիւնները Յուլիս 5ին յայտարարեցին, թէ պիտի շարունակեն Քաթարի դէմ իրենց որդեգրած պատժամիջոցները, որովհետեւ՝ <<կարելի չէ աչք փակել Քաթարի խափանարարական դերակատարութեան դիմաց>>։
Քաթարի <<Ճազիրա>> կայանին փակումը եւ Իրանի հետ Քաթարի յարաբերութեանց խզումը պահանջող այս արաբական երկիրները նաեւ շեշտած են, որ <<Քաթարի կողմէ ահաբեկչութեան աջակցութեան եւ այլ պետութեանց ներքին հարցերու միջամտութեան դադրեցումը կարելի չէ յետաձգել>>:
Սէուտական Արաբիոյ, Եգիպտոսի, Արաբական Միացեալ Էմիրութիւններու եւ Պահրէյնի արտաքին գործոց նախարարները, Գահիրէի մէջ իրենց ժողովի աւարտին յայտնեցին, որ իրենց պահանջներուն Քաթարի տուած բացասական պատասխանը ցոյց կու տայ, որ <<Տոհան կացութեան լրջութիւնը չ՛ընկալեր>>: Անոնք համաձայնութիւն գոյացուցին կացութեան հետեւելու եւ իրենց յաջորդ ժողովը գումարելու Պահրէյնի մայրաքաղաք Մանամայի մէջ:
Սէուտական Արաբիոյ արտաքին գործոց նախարար Ատել Ճուպէյր յայտնեց, որ Քաթարի դէմ որդեգրուած միջոցառումները պիտի շարունակուին, մինչեւ որ վերջինս փոխէ իր քաղաքականութիւնը: Իսկ խօսելով Թուրքիոյ մասին՝ սէուտական դիւանագիտութեան պետը յոյս յայտնեց, որ այդ երկիրը չէզոք կը մնայ:
Միւս կողմէ, Միացեալ Նահանգներու նախագահ Տանըլտ Թրամփ հեռաձայնային հաղորդակցութիւն մը ունեցաւ Եգիպտոսի նախագահ Ապտըլ Ֆաթթահ Սիսիի հետ եւ քաթարեան տագնապին առնչակից բոլոր կողմերուն կոչ ուղղեց՝ շինիչ բանակցութիւններ կատարելու:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ