By Asbarez | Friday, 07 July 2017
ՊՈԼԻՍ, <<Մարմարա>> - Թրքական մամուլը կը գրէ, որ Գերմանիա ամէն օր նոր գայթակղութիւն մը կը ստեղծէ Թուրքիոյ կապակցութեամբ, ու կը պնդէ, որ Թուրքիոյ նկատմամբ թշնամական մթնոլորտը հասած է իր գագաթնակէտին։
Արդարեւ, թրքական մամուլը կը հաղորդէ, որ Գերմանիոյ վարչապետարանի շէնքին դիմաց, ցուցարարներու կողմէ պարզուած է պաստառ մը, ուր ձրի ինքնաշարժ մը կը խոստացուի այն անձին, որ կը սպաննէ Էրտողանը, Փութինը կամ Սէուտական Արաբիոյ թագաւորը։
Նշեալներու նկարներուն կողքին կը տեսնուի ինքնաշարժի մը պատկերը ու կը գրուի հետեւեալը. <<Եթէ կ՛ուզես տիրանալ այս ինքնաշարժին, սպաննէ՛ բռնակալը>>։
Ցուցարարները, որոնք թրքական մամուլին կողմէ յորջորջուեցան իբրեւ <<կատղած նացիներ>>, Թուրքիոյ մէջ տեղի տուած են ընդվզումի, սակայն գերմանացի ոստիկանները գոհացած են պարզապէս՝ դիտելո՛վ։
Պաստառը պատրաստուած է <<Քաղաքական գեղեցկութեան կեդրոն>> կոչուող կազմակերպութեան կողմէ։
Գերմանիոյ մէջ Թուրքիոյ դեսպանատունը բողոքագիր մը յղած է Գերմանիոյ արտաքին գործոց նախարարութեան ու պախարակած է դէպքը, մասնաւորաբար դատապարտելով այն իրողութիւնը, որ ոստիկանութիւնը չէ միջամտած ու պարզապէս հանդիսատես մնացած է պատահարին։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ