By Aztag Daily | Monday, 17 July 2017
Թրքական տարբեր աղբիւրներու համաձայն, պոլսահայ այլախոհ մտաւորական Սեւան Նշանեան խոյս տուած է թրքական բանտէն:
Արդարեւ, ան 14 յուլիսի առաւօտեան, բանտի ղեկավարութեան արտօնութեամբ, հերթական անգամ ըլլալով դուրս եկած է բանտէն` վերադառնալու պայմանով, որովհետեւ իբրեւ ոչ վտանգաւոր բանտարկեալ` Նշանեան ենթակայ էր <<բանտային բաց դրութեան>>, հետեւաբար` հերթականօրէն կրնար նման <<արձակուրդներ>> վայելել:
Սակայն, այս անգամ, Նշանեան որոշուած ժամուն չէ վերադարձած Ֆոճայի բանտ, իսկ աւելի ուշ <<Թուիթըր>>-ի եւ <<Ֆէյսպուք>>-ի իր էջերուն վրայ գրած է. <<Թռչունը թռաւ: Տարոսը մնացեալ 80 միլիոնին>>, ակնարկելով Թուրքիոյ բնակչութեան:
Աւելի ուշ, Նշանեան <<Հապերթիւրք>> լրատու գործակալութեան հետ հեռաձայնային հաղորդակցութիւն մը ունենալով հաստատած է, որ ինք երկրէն հեռացած է` առանց յաւելեալ մանրամասնութիւններ տալու:
Այս մասին թուրք այլախոհ պատմաբան Թաներ Աքչամ գրած է. <<Սեւան Նշանեանը փախուստի դիմած է` ըսելով. <<թռչունը թռաւ>>, բոլոր թռչուններուն համար ազատ աշխարհի մը ակնկալիքով…>>:
Նշենք, որ Նշանեան 2014-ին 17 տարուան բանտարկութեան դատապարտուած էր` անհիմն ամբաստանութիւններով:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
