Փութին ստորագրեց Հայ-Ռուսական զինուորական միաւորում ստեղծելու համաձայնագիրը

Ռուսիոյ նախագահ Վլատիմիր Փութին վաւերացուց Հայաստանի հետ միացեալ զինուորական միաւորում ստեղծելու համաձայնագիրը:

Ռուսիոյ նախագահ Վլատիմիր Փութին ստորագրեց Հայաստանի եւ Ռուսիոյ միացեալ զօրամիաւորում ունենալու մասին օրէնքը: Ըստ <<Արմինիա Սփութնիք>> կայքին, համապատասխան փաստաթուղթը հրապարակուած է իրաւական տեղեկատուութեան էջին մէջ:

<<Վաւերացուած է 30 նոյեմբեր 2016-ին Մոսկուայի մէջ Ռուսիոյ եւ Հայաստանի Հանրապետութեան միջեւ Հայաստանի եւ Ռուսիոյ զինուած ուժերու միացեալ խմբաւորում ստեղծելու մասին ստորագրած համաձայնագիրը>>, ըսուած է փաստաթուղթին մէջ:

Համաձայնագիրը նախապէս վաւերացուցած էին Ոուսիոյ խորհրդարանը (Տումա) եւ Ռուսիոյ Դաշնային խորհուրդը:

Հայաստանի Հանրապետութեան կառավարութիւնը իր յունիս 2016-ի նիստերուն քննարկելէ ետք սոյն օրինագիծը, զայն ղրկած էր Ազգային ժողով` վաւերացնելու:

Փութին ստորագրեց Հայ-Ռուսական զինուորական միաւորում ստեղծելու համաձայնագիրը

More headlines