By Asbarez | Friday, 04 August 2017
ՊՈԼԻՍ, <<Մարմարա>> - Անիի աւերակները, որոնք վերջերս ԵՈԻՆԵՍՔՕի համաշխարհային մշակութային ժառանգութեան ցանկին մէջ առնուած էին, իրենց վրայ կեդրոնացուցած են թէ՛ մասնագէտներու եւ թէ զբօսաշրջիկներու ուշադրութիւնը։
Անին, որ ծանօթ է իբրեւ <<1001 եկեղեցիներու քաղաք>>, <<աշխարհի քաղաք>> կամ <<քաղաքակրթութեան օրրան>>, տոկալով հազարամեակներու պատմութեան՝ կը շարունակէ իր ճարտարապետական կոթողներով ու հիասքանչ համայնապատկերով գրաւել զբօսաշրջիկներն ու մասնագէտները։
Ամենափրկիչ եկեղեցին, Անիի Մայր տաճարը, Տիգրան Հոնենց եկեղեցին, Փահլաւունի եկեղեցին եւ ուրիշներ անօրինակ տեսարան մը կը սփռեն այցելուներու աչքին առաջ։
ԵՈՒՆԵՍՔՕի որոշումէն ետք, Անիի զբօսաշրջիկներուն թիւը կրկնապատկուած է, մինչ երկրի մշակոյթի ու զբօսաշրջութեան նախարարութիւնը կը փորձէ արագացնել Անիի աւերակները պահպանութեան տակ առնելու ծրագիրին գործադրութիւնը։
Ըստ մասնագէտներու՝ Անին իսկապէ՛ս համաշխարհային ժառանգութիւն է ու մեծ կարեւորութիւն ունի Կարսի ու շրջակայքին համար, ուստի՝ կը ծրագրուի այս վայրը մէկ-երկու տարուան ընթացքին առաւել բարեկարգ վիճակով դնել այցելուներու տրամադրութեան տակ։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ