facebook twitter links
October 24 2017 | 4:19am AET

Ուսողութեան Միջազգային Ողիմպիականին Հայաստանի ուսանողները նուաճած են 8 մրցանակ

Source: Asbarez | Wednesday, 09 August 2017
Email  |  Print 

 

0809mathawards1

ԵՐԵՒԱՆ - Յուլիս 31էն Օգոստոս 6, Պուլկարիոյ Պլակոյեւկրատ քաղաքին մէջ տեղի ունեցաւ ուսողութեան (մաթեմաթիքսի) 24րդ  միջազգային ուսանողական ողիմպիականը (IMC), որուն մասնակցեցան աշխարհի 71 համալսարաններու խումբեր (331 մասնակից): Մրցոյթին Հայաստանը ներկայացուցին Երեւանի պետական, Հայաստանի Ամերիկեան եւ Սլաւոնական համալսարաններու խումբերը: Հայաստանի խումբերը բարձր արդիւնքներ  արձանագրեցին՝ նուաճելով երկու ոսկի, երկու արծաթ եւ երկու պրոնզ մետալներ:

Երեւանի պետական համալսարանէն (ԵՊՀ) մասնակցեցան 4 ուսանողներ, որոնցմէ երկուքը՝ Ալբերտ Գէորգեան եւ Վազգէն Միքայէլեան, արժանացան ոսկէ, իսկ Աւետիք Արագուլեան ու Գէորգ Մնացականեան՝ արծաթէ մետալներու:

<<Սա աննախադէպ արդիւնք է ԵՊՀի թիմի համար: Մինչ այս լաւագոյն արդիւնքը թիմային հաշուարկում եղել է 15րդ տեղը: Հայաստանի Ամերիկեան համալսարանի ուսանող Արտեոմ Քոսեանը եւ Սլաւոնական համալսարանի ուսանող Հրաչեայ Քոչարեանը արժանացան պրոնզէ մեդալների>>, կը յայտնէ կրթութեան եւ գիտութեան նախարարութեան հրապարակած հաղորդագրութիւնը:

Ուսողութեան միջազգային ողիմպիականին Հայաստանի խումբերը ղեկավարած եւ մարզած է ԵՊՀ եւ Հայաստանի Ամերիկեան համալսարանի դասախօս Կարէն Քեռեան:

Ուսողութեան միջազգային այս մրցոյթին առաջին տեղը գրաւած է Իսրայէլի ազգային խումբը:

 






More Headlines