By Asbarez | Thursday, 17 August 2017
ՊՈԼԻՍ, ԵՐԵՒԱՆ, <<Մարմարա>>, <<Էրմենիհապեր>> - Իրաքի Քրտական ինքնավար մարզին մէջ անկախութեան հանրաքուէն կրնայ քաղաքացիական պատերազմի պատճառ դառնալ, Օգոստոս 16ին այս մասին յայտարարած է Թուրքիոյ արտաքին գործոց նախարար Մեւլուտ Չաւուշօղլու։
Ըստ թրքական <<Տիքեն>> լրատուական կայքին, Չաւուշօղու քննադատած է հանրաքուէն՝ դարձեալ կոչ ընելով, որ անիկա անմիջապէս ջնջուի՛։
Հակառակ անոր որ որոշ շրջանակներ կը փորձեն արգելք հանդիսանալ յառաջիկայ Սեպտեմբեր 25ին կայանալիք հանրաքուէին, Իրաքի քրտական շրջանի ղեկավար Մասուտ Պարզանի անդրդուելի կը մնայ այդ գծով եւ կը շարունակէ յայտարարել, թէ հանրաքուէն պիտի կատարուի ճշդուած թուականին։ Այդ շրջանի ընտրական խորհուրդը արդէն իսկ տպագրած է երեք լեզուներով քուէաթերթիկներ, որոնց վրայ կը տեսնուին երկու դրօշակներ՝ իրաքեան եւ քրտական դրօշակները։ Անոնք, որոնք անկախ պետութեան կողմնակից չեն, պիտի կնքեն Իրաքի կեդրոնական իշխանութեան դրօշակին վրայ, իսկ անոնք, որոնք անկախ Քիւրտիստանի մը հիմնումին կողմնակից են, պիտի կնքեն Քրտական ինքնավար շրջանի դրօշակին վրայ։ Երեք լեզուներն են՝ արաբերէնը, քրտերէնը եւ թիւրքմէններու թրքերէնը։
Հանրաքուէի քուէաթուղթին վրայ հարցումը հետեւեալն է. <<Կողմնակի՞ց էք, որ հիմնուի անկախ քրտական պետութիւն մը, որ իր սահմաններուն մէջ պիտի առնէ Հիւսիսային ինքնավար շրջանն ու վիճելի միւս շրջանները>>։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ
