By Asbarez | Tuesday, 22 August 2017
ՊԵՐԼԻՆ, ԱՆԳԱՐԱ, <<Ռոյթըրզ>> - Գերմանիոյ արտաքին գործոց նախարար Զիկմար Կապրիէլ յայտարարեց, որ իր երկիրը մտադիր չէ փոխել Թուրքիոյ նկատմամբ կարծր քաղաքականութիւնը՝ նշելով, որ Գերմանիան ստիպուած է այդ քաղաքականութիւնը երկար ատեն վարելու եւ չի նախատեսեր, որ կացութիւնը փոխուի քանի մը շաբաթէն: Ան նաեւ ընդգծեց, որ ներկայ փուլին կարելի չէ Մաքսային միութեան ստեղծման շուրջ Եւրոպական Միութեան եւ Թուրքիոյ միջեւ բանակցութիւնները շարունակել: Ան դատապարտեց եւ Գերմանիոյ գերիշխանութեան ուղղուած անարգանք համարեց Թուրքիոյ նախագահ Ռեչեփ Թայիփ Էրտողանի կողմէ գերմանաբնակ թուրքերուն ուղղած այն կոչը, թէ՝ անոնք պէտք է Թուրքիոյ <<թշնամի>> գերմանական կուսակցութիւններուն դէմ քուէարկեն՝ յառաջիկայ ընտրութեանց ընթացքին։
Թուրքիոյ մէջ Գերմանիոյ քաղաքացի եւ լրագրող Տենիզ Եուճելի ձերբակալութեան ակնարկելով՝ ան լրագրողը <<պատանդ>> որակած է, աւելցնելով. <<Երկար ատեն է, որ Էրտողանի հարցով կը ջանանք տրամաբանական դիրքորոշում դրսեւորելու: Սակայն, երբեմն պէտք չէ շատ լրջութեամբ մօտենանք անոր>>:
Հակադարձելով Կապրիէլի՝ Էրտողան պնդած է, թէ նախարարը <<իր չափը չի գիտեր>>:
<<Դուն ո՞վ ես, քանի՞ տարեկան ես, ի՞նչ քաղաքական անցեալ ունիս, որ Թուրքիոյ նախագահին մասին կը խօսիս: Չա՛փդ գիտցիր: Դուն գնա արտաքին գործոց նախարարին հետ խօսէ: Դուն ո՞վ ես…>>, պոռթկացած է Էրտողան:
Իր կարգին, Գերմանիոյ Ընկերվար ժողովրդավար կուսակցութեան նախագահ ու վարչապետի թեկնածու Մարթին Շուլց ըսաւ, որ Էրտողան <<այլեւս իր չափը անցած է>>՝ Գերմանիոյ խորհրդարանական ընտրութեանց միջամտելով։
<<Հիմա մենք պէտք է աւելի շատ նեցուկ կ՛անգնինք բոլոր անոնց, որոնք կը պայքարին ազատ ու ժողովրդավար Թուրքիա մը ստեղծելու համար>>, ըսաւ Շուլց։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ