By Asbarez | Tuesday, 22 August 2017
ԴԱՄԱՍԿՈՍ, <<Ռոյթըրզ>> - Սուրիոյ արտաքին գործոց նախարարութեան աշխատակիցներուն հետ հանդիպման ընթացքին, նախագահ Պաշշար Ասատ յայտնած է, որ ինք այլեւս գործընկեր չի նկատեր Թուրքիան: Ասատ յիշեցուցած է, որ Սուրիա պատրաստ եղած է քննարկելու պատերազմի դադրեցման ուղղուած բոլոր առաջարկները, հակառակ անոր որ գիտէ, թէ անոնց մեծ մասը առաջադրուած է ոչ լաւ մտադրութիւններով:
Թուրքիոյ նախագահ Ռեչեփ Թայիփ Էրտողանի մասին խօսելով՝ ան նշած է, որ վերջինիս վարչակարգին կողմէ ահաբեկիչներու աջակցութեան բացայայտումէն ետք՝ Էրտողան <<քաղաքական մուրացկան>>ի դեր կը խաղայ:
<<Ահա թէ ինչո՛ւ Սուրիա անոր չի վստահիր եւ թրքական կողմը ո՛չ գործընկեր, ո՛չ ալ երաշխաւոր կը նկատէ>>, ըսած է Ասատ եւ աւելցուցած. <<Մենք մեր թշնամիներուն եւ հակառակորդներուն չենք արտօներ քաղաքականութեան ճամբով հասնիլ հո՛ն, ուր չեն յաջողած հասնիլ ահաբեկչութեան ճամբով>>:
<<Սուրիոյ բարեկամներուն օժանդակութիւնը նպաստեց սուրիական պետութեան գոյատեւումին, իսկ պատմութիւնը տակաւին շատ պիտի գրէ Իրանի եւ <<Հըզպալլա>>ի ընդհանուր քարտուղար սէյիտ Հասան Նասրալլայի մասին։ Մենք այս պատերազմին գինը սո՛ւղ վճարեցինք, սակայն արեւմտեան ծրագիրը ձախողութեան մատնեցինք եւ պիտի շարունակենք հարուածել ահաբեկչութիւնը>>, յայտարարած է Ասատ:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ