By Asbarez | Friday, 25 August 2017
ՆԻՒ ԵՈՐՔ - Միացեալ Նահանգներու պաշտպանութեան նախարար Ճէյմզ Մեթիս Իրաքի Քրտական ինքնավար մարզի ղեկավար Մասուտ Պարզանին յորդորած է յետաձգել Սեպտեմբեր 25ին նախատեսուած անկախութեան հանրաքուէն. այս մասին գրած է <<Նիւ Եորք Թայմզ>> օրաթերթը:
Փենթակոնը յայտնած է, որ Մեթիս Արպիլի մէջ Պարզանիի հետ հանդիպումի մը ընթացքին քիւրտերը յորդորած է երկխօսութիւն կատարել Իրաքի իշխանութիւններուն հետ, հանրաքուէին շուրջ տարակարծութիւնները լուծելու համար:
Օրաթերթը, մեկնաբանելով Մեթիսի կոչը՝ կը նշէ. <<Միացեալ Նահանգներու պաշտօնատարները վերջերս կը զգուշացնեն բոլոր կողմերը, որ հանրաքուէն կրնայ երկրին մէջ քաղաքական նոր անկայունութեան յանգեցնել, այնպիսի ժամանակ մը, երբ Իրաքի մէջ տակաւին կը շարունակուի պայքարը <<Իսլամական պետութեան>> դէմ>>:
Նախապէս, Միացեալ Նահանգներու արտաքին գործոց նախարար Ռեքս Թիլըրսըն եւս, հեռաձայնային հաղորդակցութեան մը ընթացքին Պարզանին յորդորած էր հանրաքուէն յետաձգել:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ