By Asbarez | Thursday, 31 August 2017
ՊԵՐԼԻՆ, <<Սի.Էն.Էն.>> - Գերմանիոյ վարչապետ Անկելա Մերքել Թուրքիոյ իշխանութիւններէն պահանջած է ազատ արձակել իր կալանաւորած գերմանացի քաղաքացիները՝ ազդարարելով, որ անոնց ձերբակալութիւնը լուրջ ազդեցութիւն կ՛ունենայ թուրք-գերմանական յարաբերութիւններուն վրայ:
<<Շատ պիտի փափաքէինք լաւ յարաբերութիւններ պահպանել Թուրքիոյ հետ, սակայն պէտք է նայիլ իրականութեան աչքերուն: Մեր պահանջը շատ յստակ է՝ այդ մարդիկը պէտք է ազատ արձակուին>>, ըսած է Մերքել:
Թուրքիոյ մէջ կալանքի տակ գտնուող Գերմանիոյ քաղաքացիներուն շարքին են <<Տէօչէ Վելլէ>>ի Թուրքիոյ թղթակից Տենիզ Եուճել եւ կարգ մը իրաւապաշտպաններ, ինչպէս նաեւ՝ Սպանիոյ մէջ <<Ինթըրփոլ>>ի միջոցով ձերբակալուած այլ գերմանացի մտաւորական մը, որ յաճախ կը քննադատէ Անգարայի քաղաքականութիւնը:
Իր կարգին, Ֆրանսայի նախագահ Էմանուէլ Մաքրոն, Օգոստոս 29ին, երկրորդ անգամ ըլլալով հեռաձայնած է Թուրքիոյ նախագահ Ռեչեփ Թայիփ Էրտողանին եւ պահանջած է ազատ արձակել Թուրքիոյ մէջ կալանաւորուած ֆրանսացի լրագրող Լուփ Պիւրօն:
Նոյն նիւթով նախագահներու վերջին հեռաձայնային հաղորդակցութիւնը տեղի ունեցած էր Օգոստոս 16ին:
Կը նշուի, որ կողմերը պիտի շարունակեն բանակցիլ լրագրողի արտայանձնումին շուրջ: Լրագրողը ձերբակալուած էր Թուրքիա-Սուրիա սահմանին վրայ գտնուող Շըրնաք նահանգին մէջ: Ան Թուրքիոյ կողմէ կը մեղադրուի երկրին մէջ ահաբեկչական նկատուող Քիւրտիստանի բանուորական կուսակցութեան աջակցելու եւ ահաբեկիչներուն ի նպաստ քարոզչութիւն կատարելու յանցանքներով:
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ