By Asbarez | Saturday, 09 September 2017
ԵՐԵՒԱՆ, <<Արմէնփրէս>> - Եւրոխորհրդարանը մօտիկ ապագային պիտի պատրաստէ <<Կաշառակերութիւնը եւ մարդկային իրաւունքները՝ երրորդ երկիրներու մէջ>> փաստաթուղթին նոր տարբերակը, որուն մէջ պիտի քննարկուի նաեւ Ատրպէյճանի նախագահական ընտանիքին մասնակցութեամբ եւ վերջին օրերուն մեծ աղմուկ բարձրացուցած՝ <<Ատրպէյճանական լուացքատուն>> կաշառակերութեան գայթակղութիւնը:
Ատրպէյճանական <<Ազատլիք>> լրատուական գործակալութիւնը կը տեղեկացնէ, թէ փաստաթուղթը կը սահմանէ կաշառակերութեան դէմ պայքարին եւ մարդկային իրաւունքներու պաշտպանութեան բնագաւառին մէջ Եւրոմիութեան ընելիքները:
Եւրոխորհրդարանին տարածած յայտարարութեան համաձայն՝ Ատրպէյճանի մասնակցութեամբ մօտաւորապէս 3 միլիառ տոլարանոց կաշառակերութեան խայտառակութեան մանրամասնութեանց բացայայտումէն ետք, 96 եւրոպատգամաւորներ առաջարկած են փոփոխութիւններ կատարել նշեալ փաստաթուղթին մէջ:
Եւրոխորհրդարանը նաեւ խստօրէն քննադատած է եւրոպական որոշումներ կայացնողներուն վրայ ազդեցութիւն ունենալու նպատակով Ատրպէյճանի քայլերը:
<<Եւրոխորհրդարանը եւրոպական կառավարութեանց կոչ կ՛ընէ խստագո՛յն քայլերու ձեռնարկելու՝ կանխելու համար կաշառակերութեան նման երեւոյթներ>>, նշուած է յայտարարութեան մէջ:
<<Միջազգային թափանցիկութիւն>> կազմակերպութիւնը եւս Սեպտեմբեր 7ին կոչ ըրաւ մանրամասն հետաքննութիւն բանալու ատրպէյճանական նորագոյն գայթակղութեան գծով։
comments
ԵԽԽՎի Համազեկուցողները Կոչ Ըրին Պաքուին՝ Հայաստանէն Դուրս Բերելու Զօրքերը Եւ Ազատ Արձակելու Գերիները
Խրիմի Կամուրջի Պայթումին Գործով Ձերբակալուած Են 5 Մեղադրեալներ, Որոնցմէ Երեքը Հայ Են
Իրան Դարձեալ Յիշեցուց Ալիեւին, Թէ Պատմական Սահմաններու Փոփոխութիւնը Անընդունելի Է
Ալիեւ Հայաստանը Կը Զգուշացնէ Սադրանքներու Դիմելէ
Պրիւքսէլ Ուշադիր Կը Հետեւի Հայ-Ատրպէյճանական Սահմանագօտիի Կացութեան
Ատրպէյճան Կը Ծրագրէ Բերձորի Եկեղեցին Մզկիթի Վերածել
Անգարա Դատապարտեց ՄԱԿի Ընդհանուր Ժողովի Նախագահին Ծիծեռնակաբերդ Այցելութիւնը
Սուրիա Պիտի Դիմադրէ Իր Հողերուն Վրայ Որեւէ Թրքական Գործողութեան. Ասատ